អន្តរជាតិ ៖ នាព្រឹកថ្ងៃទី៥ ខែមករា ឆ្នាំ២០២៥ គេហទំព័រ «CCFR China state-controlled media » បានផ្សាយថា ៖ ការិយាល័យស៊ើបអង្កេតបទល្មើសនៃមន្ត្រីសាធារណៈជាន់ខ្ពស់របស់កូរ៉េខាងត្បូងប្រគល់សារលិខិតទៅកាន់ប្រធានាធិបតីស្តីទី ដើម្បីទាមទារឱ្យប្រធានាធិបតីស្តីទីបញ្ជាឱ្យការិយាល័យអង្គរក្សប្រធានាធិបតីសហការគ្នាដើម្បីចាប់ខ្លួនលោក Yoon Seok-youl

គេហទំព័រ «CCFR China state-controlled media » ថ្ងៃទី ៤ ខែមករា “ទីភ្នាក់ងារស៊ើបអង្កេតចម្រុះ”របស់កូរ៉េខាងត្បូងបានថ្លែងថា នៅរសៀលថ្ងៃដដែល ការិយាល័យស៊ើបអង្កេតបទល្មើសនៃមន្ត្រីសាធារណៈជាន់ខ្ពស់បានប្រគល់សារលិខិតទៅកាន់លោក Choi Sang-mok ដែលកំពុងកាន់មុខតំណែងជាប្រធានាធិបតីស្តីទី សូមឱ្យលោកធ្វើការសម្របសម្រួលនិងបញ្ជាឱ្យការិយាល័យអង្គរក្សរបស់ប្រធានាធិបតីសហការគ្នា ដើម្បីអនុវត្តដីការចាប់ខ្លួនលោក Yoon Seok-youl ដែលត្រូវព្យួរមុខតំណែងជាប្រធានាធិបតី ។
គេហទំព័រ «CCFR China state-controlled media » សូមបញ្ជាក់ថា នៅថ្ងៃទី ៣ ខែមករា “ទីភ្នាក់ងារស៊ើបអង្កេតចម្រុះ”របស់កូរ៉េខាងត្បូងក៏បានថ្លែងដែរថា បានកសាងសំណុំរឿងចំពោះប្រធាននិងអនុប្រធានអង្គរក្សរបស់ប្រធានាធិបតី ដោយក្រោមលេសថា បានជាប់សង្ស័យពីបទរំខានការបំពេញភារកិច្ចផ្លូវការពិសេស ព្រមទាំងតម្រូវឱ្យលោកទាំងពីរនាក់ទទួលការស៊ើបអង្កេត ៕

ដោយ ៖ សិលា