ភ្នំពេញ ៖ ម៉ូតូហុងដាឌ្រីមួយគ្រឿងបេីកបរបញ្ច្រាស់ទិសដៅចរាចរណ៍ជ្រុលបុកម៉ូតូហុងដាមួយគ្រឿងទៀតបណ្តាលឲ្យដួលបោកក្បាលស្លាប់ម្នាក់ របួសធ្ងន់ស្រាល០៣នាក់ ។
ហេតុការណ៍នេះបានកេីតឡេីងកាលពីវេលាម៉ោង១០ នឹង១៥នាទីយប់ ថ្ងៃទី១២ ខែមករា ឆ្នាំ២០២៥ ស្ថិតតាមបណ្ដោយផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
ប្រភពព័ត៍មានពីទីតាំងកើតហេតុបានឲ្យដឹងថាមុនពេលកេីតហេតុ គេឃើញមានយុវជនម្នាក់ជិះម៉ូតូមួយគ្រឿង ម៉ាកហុងដាឌ្រីម ឆ្នាំ២០១៧ ពណ៍ខ្មៅ ពាក់ស្លាកលេខ ភ្នំពេញ 1GL-1337 បានឡើងវ៉ាបញ្ច្រាស់ផ្លូវក្នុងល្បឿនលឿន បានជ្រុលទៅបុកពេញទំហឹង ជាមួយម៉ូតូ ហុងដាឌ្រីម ពាក់ស្លាកលេខ ភ្នំពេញ 1LB-8896 បណ្ដាលឲ្យយុវជនម្នាក់ស្លាប់ និងរងរបួស៣នាក់ធ្ងន់ស្រាលបញ្ជូនទៅមន្ទីរពេទ្យ ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌមានជ័យចុះមកធ្វើការវាស់វែងយកម៉ូតូទាំងពីរគ្រឿងទៅរក្សាទុករង់ចាំការដោះស្រាយនៅពេលក្រោយ។ ចំណែកឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕ 
ដោយ ៖សុខាសែនជ័យ
