ភ្នំពេញ៖ យុវជនម្នាក់ជិះម៉ូតូ១គ្រឿក្នុងល្បឿនយ៉ាងលឿនខណៈពេលទៅដល់ចំណុចផ្លូវកោងរអិលដួលអូសទៅបុកម៉ូតូ១គ្រឿងកំពុងជិះបញ្ច្រាស់ទិសដៅគ្នាបណ្តាលអោយរងរបួសធ្ងន់ស្រាល៣នាក់ត្រូវបានក្រុមសង្រ្គោះអង្គភាព៧១១ ដឹកយកទៅសង្រ្គោះបន្ទាន់ ។

ហេតុការនោះបានកើតឡើងកាលពីម៉ោង៤រសៀលថ្ងៃទី ១៣ ខែមករា ឆ្នាំ២០២៥ ស្ថិតតាមបណ្តោយផ្លូវបេតុង ភូមិអករំដួល ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មាននៅកន្លែងកើតហេតុបានឲ្យដឹងថា នៅមុនកើតហេតុគេបានឃើញម៉ូតូហុងដាហ្សូមម័រពណ៌សរលាយទឹកក្រូចពាក់ស្លាកលេខកណ្តាល1AJ-1186 ជិះគ្នាពីនាក់ធ្វើដំណើរតាមបណ្តោយផ្លូវបេតុងក្នុងទិសដៅពីលិចទៅកើត។ខណៈមកដល់ចំណុចកើតហេតុស្រាប់តែមានម៉ូតូ១គ្រឿងម៉ាកស៊ុយសាគីនិច ពណ៌ក្រហមលាយខ្មៅ ពាក់ស្លាកលេខភ្នំពេញ1GW-1645 ជិះម្នាក់ឯងធ្វើដំណើរតាមបណ្តោយផ្លូវបេតុងក្នុងទិសដៅពីកើតទៅលិចក្នុងល្បឿយ៉ាងលឿនដល់ចំណុចផ្លូវកោងបានដួលអូសទៅផ្លូវម្ខាងទៀតជ្រុលទៅបុកម៉ូតូរងគ្រោះដួលគរលើគ្នាបណ្តាលអោយរងរបួសធ្ងន់ស្រាល៣នាក់ ត្រូវបានក្រុមសង្រ្គោះអង្គភាព៧១១ ដឹកយកទៅសង្រ្គោះបន្ទាន់ ។

បន្ទាប់ពីកើតហេតុសមត្ថកិច្ចមូលរដ្ឋានបានវាសវែងយកម៉ូតូទាំង២គ្រឿងដាក់អែបខាងដើម្បីអោយភាគីទាំងសងខាងធ្វើការសម្របសម្រួសគ្នា៕

ដោយ៖ ជ្រោយពេជ្រ