ភ្នំពេញ៖ បុរសម្នាក់សង្ស័យស្រវឹងស្រាបានបេីករថយន្ត មួយគ្រឿងម៉ាកHILUXVIGO ក្នុងល្បឿនលឿនក៏ជ្រុលទៅបុករះអ្នកដើរថ្មើជើងមានស្រីនិងប្រុសរួមទាំងក្មេងៗចំនួន៤ទៅ ៥នាក់បណ្ដាលឲ្យរងរបួសធ្ងន់ស្រាល ត្រូវបានរថយន្តសាមុយដឹកយកទៅសង្គ្រោះបន្ទាន់ភ្លាមៗចំណែកអ្នកបើកបរត្រូវពលរដ្ឋឃាត់បានប្រគល់ឲ្យសមត្ថកិច្ច។ហេតុការណ៍គ្រោះថ្នាក់ចរាចរណ៍ខាងលើនេះដែរបង្កការភ្ញាក់ផ្អើលកាលពីវេលាម៉ោង ១១និង ១៥ នាទីយប់ត្រូវនៅថ្ងៃទី ២៤ខែមករាឆ្នាំ ២០២៥ ចំណុចមុខផ្សាររាត្រីស្ថិតនៅលើផ្លូវព្រះស៊ីសុវត្ថិ ក្នុងសង្កាត់វត្តភ្នំខណ្ឌដូនពេញ រាជធានីភ្នំពេញ
បើយោងតាមការបញ្ជាក់ពីប្រជាពលដ្ឋបានឃើញហេតុការណ៍ខាងលើប្រាប់ឲ្យដឹងថានៅមុនពេលកើតហេតុគេបាបានឃើញរថយន្តបង្កមួយគ្រឿងម៉ាកHILUX VIGOពណ៌ទឹកប្រាក់ពាក់ផ្លាកលេខភ្នំពេញ 2G-0900 បើកបរដោយបុរសម្នាក់ដោយសង្ស័យស្រវឹងស្រាធ្វើដំណើរតាមបណ្ដោយផ្លូវ ព្រះសុីសុវត្ថិទិសដៅ ពីត្បូងទៅជេីង ក្នុងល្បឿនលឿន ខណះពេលបើកមកដល់ចំណុចកើតហេតុទល់មុខនិងផ្សាររាត្រី ស្រាប់តែរេចង្កូតជ្រុលទៅបុករះអ្នកដើរថ្មើជើងមានមនុស្សប្រុសស្រីចំនួន៥នាក់ ក្នុងនោះមានក្មេងផងដែរបណ្ដាលឲ្យរងរបួសធ្ងន់និងស្រាលទាំង៥នាក់ ត្រូវបានបញ្ជូនទៅកាន់មន្ទីពេទ្យ ភ្លាមៗផងដែរ អ្នកបើករថយន្តបង្កបន្តល្បឿនបើករត់ទៅមុខបានប៉ុន្មានម៉ែត្រត្រូវបានក្រុមអ្នករត់កង់បីនិងប្រជាពលរដ្ឋផ្សេងទៀតតាមឃាត់បាន រួចប្រគល់ឲ្យសមត្ថកិច្ចយកទៅប៉ុស្ដិ៍នវត្តភ្នំដើម្បីសួរនាំបន្ត។
ក្រោយកេីតហេតុសមត្ថកិច្ចមូលដ្ឋានសហការជាមួយនិងផ្នែកជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វេីការវាស់វែងយករថយន្តបង្កទៅរក្សាទុកជាបណ្តោះអាសន្នដេីម្បីរងចាំការដោះស្រាយគ្នានៅពេលក្រោយ ៕ដោយ​ ៖​ ភារ៉ា​ ដង្កោ