ភ្នំពេញ៖ បុរសជាប្រធានសន្តិសុខរោងចក្រអាមេរិកកាំងម្នាក់បានដេីរយកលុយដាក់ខែពីអាជីវករលក់ដូរតាមតូបនៅចំណុចមុខរោងចក្រអាមេរិកកាំង តាមផ្លូវ៣០ម៉ែត្រ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ត្រូវបានកម្លាំងអាជ្ញាធរឃាត់ខ្លួន នឹងចាត់ការតាមនីតិវិធី នៅព្រឹកថ្ងៃទី៣ ខែកុម្ភះ ឆ្នាំ២០២៥ ។
បុរសខាងលេីមានឈ្មោះ ផល ភេទប្រុសអាយុ៤០ឆ្នាំ មុខរបរជាប្រធានសន្តិសុខរោងចក្រអាមេរិកកាំង ។
លោកប៉ាង លីដា អភិបាលរងខណ្ឌពោធិ៍សែនជ័យបានឲ្យដឹងថា ក្រោយពីទទួលព័ត៌មានពីស្ត្រីម្នាក់ជាអាជីវករលក់ដូរនៅមុខរោងចក្រអាមេរិកកាំង ថាមានបុរសម្នាក់បានដេីរយកលុយដាក់ខែក្នុងមួយតូប៥០ម៉ឺនរៀល ដេីម្បីជាថ្នូរដោះដូរឲ្យបានលក់ដូរនៅទីនោះ ។ នៅព្រឹកថ្ងៃទី៣ ខែកុម្ភះ លោក បានដឹកនាំកម្លាំងចុះទៅទីតាំងខាងលេីនឹងបានទំនាក់ទំនងទៅបុរសខាងលេីសួរនាំជំវិញបញ្ហានេះ។
នៅចំពោះមុខអាជ្ញាធរបុរសខាងលេីបានសារភាពថា រូបគាត់ពិតជាបានដេីរយកលុយពីបងប្អូនអាជីវករពិតប្រាកដមែន។
លោក ប៉ាង លីដា បានបញ្ជាក់ទៀតថា ក្រោយពីមានការបញ្ជាផ្ទាល់ពីលោក ឃួង ស្រេង អភិបាលនៃគណៈអភិបាលរាជធានី ឲ្យបញ្ជូនខ្លួនបុរសជាសន្តិសុខខាងលេីទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ័សែនជ័យដេីម្បីសួរនាំនិងចាត់ការតាមនីតិវិធី។
បច្ចុប្បន្នបុរសខាងលេីត្រូវបានឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌពោធិ៍សែនជ័យ៕
ដោយ៖សុខាសែនជ័យ
