ភ្នំពេញ៖ បុរសម្នាក់បើករថយន្តតូយ៉ូតាព្រូសក្នុងស្ថានភាពស្រវឹង ជ្រុលទៅបុកជាមួយនឹងក្បាលថ្មគល់ស្ពានអាកាសក្បាលថ្នល់ដែលរងការខូចខាតរថយន្តហើយអ្នកបើកបរក៏បេីករថយន្ត រយ៉ែថយក្រោយរជ្រុលទៅបុកនិងរបងអគ្គស្នងការនគរបាលជាតិមួយតង់ទៀត ធ្វើឲ្យរងការខូចខាត ។
ហេតុការណ៍នេះបានកើតឡើងនៅវេលាម៉ោង១និង២០នាទីយប់ ថ្ងៃទី៦ខែកុម្ភៈឆ្នាំ២០២៥ ចំនុចគល់ស្ពានអាកាសក្បាលថ្នល់ ផ្លូវព្រះនរោត្តម សង្កាត់ទន្លេបាសាក់ខណ្ឌចំការមនរាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានដឹងថា មុនពេលកើតហេតុគេបានឃើញបុរសម្នាក់ដែលបានបើករថយន្តម៉ាកតូយ៉ូតាព្រូសពណ៌ស ពាក់ស្លាកលេខ ភ្នំពេញ 2X0898 ធ្វើដំណើរតាមផ្លូវព្រះនរោត្ដមក្នុងទិសដៅពី ជើងទៅត្បូងក្នុងល្បឿនលឿនហើយស្ថិតក្នុងស្ថានភាពស្រវឹង លុះមកដល់ចំណុចកើតហេតុរថយន្តក៏ជ្រុលទៅបុកជាមួយនឹងក្បាលថ្មចំណុចគល់ស្ពានអាកាសក្បាលថ្នល់យ៉ាងពេញទំហឹងបណ្ដាលឲ្យរថយន្តរងការខូចខាតផ្នែកខាងមុខ ហើយភ្លាមៗនោះអ្នកបើកបរក៏បានដាក់លេខរយ៉ែរថយក្រោយ ធ្វើឲ្យជ្រុលបុកនិងរបងអគ្គស្នងការនគរបាលជាតិ១តង់ទៀត ដែលបណ្ដាលឲ្យជនរងការខូចខាតផ្នែកខាងក្រោយ ចំនែករបងអគ្គស្នងការនគរបាលជាតិវិញខូចខាតតិចតួចតែប៉ុណ្ណោះ ។
ដោយឡែកអ្នកបេីកបរវិញ របួសតិចតួចត្រង់ក្បាលក៍បានគេចចេញទៅបាត់ ។
ក្រោយកេីតហេតុ នៅតែរថយន្តត្រូវសមត្ថកិច្ចជំនាញស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោករងចាំដំណោះស្រាយ ៕
ដោយ៖សុខាសែនជ័យ
