ឃាត់ខ្លួនជនសង្ស័យម្នាក់ ពាក់ព័ន្ធករណីជួញដូរ រក្សាទុក និងប្រើប្រាស់គ្រឿងញៀន (ទម្ងន់ ៨៩,៧៩ក្រាម ថ្លឹងសាច់ថ្នាំសុទ្ធ)

ចែករំលែក៖

ខេត្តពោធិ៍សាត់៖ ស្នងការដ្ឋាននគរបាលខេត្តពោធិ៍សាត់ បានឱ្យដឹងថា កម្លាំងអន្តរាគមន៍នៃអធិការដ្ឋាននគរបាលក្រុងដឹកនាំដោយលោកវរសេនីយ៍ទោ ប៉ុន រតនា សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់រលាប នៅថ្ងៃទី៦ ខែកុម្ភៈ ឆ្នាំ២០២៥ នៅវេលាម៉ោង១៧ និង៤០នាទី បានចុះបង្រ្កាបករណីគ្រឿងញៀនមួយករណី និងឃាត់ខ្លួនជនសង្ស័យម្នាក់ នៅចំណុចវាលស្រែ ស្ថិតនៅភូមិឆ្លងកាត់ សង្កាត់រលាប ក្រុងពោធិ៍សាត់ ខេត្តពោធិ៍សាត់។

ជនសង្ស័យដែលបានឃាត់ខ្លួន

១.ឈ្មោះ ជា សុខនីន ភេទប្រុស អាយុ ២០ឆ្នាំ មុខរបរ និសិ្សត រស់នៅភូមិស្ទឹងតូច សង្កាត់រលាប ក្រុងពោធិ៍សាត់ ខេត្តពោធិ៍សាត់ ។(លទ្ធផលតេស្តស្វែងរកសារធាតុញៀនក្នុងទឹកនោមវិជ្ជមាន+)

វត្ថុតាងចាប់យកបានរួមមាន

១.ម្សៅក្រាមពណ៌សថ្លាសង្ស័យជាសារធាតុញៀនចំនួន ០៤ កញ្ចប់(ទម្ងន់ ៨៩,៧៩ក្រាម ថ្លឹងសាច់ថ្នាំសុទ្ធ)