ភ្នំពេញ៖ បុរសម្នាក់បានស្លាប់បន្ទាប់ពីចូលទៅម៉ាស្សាកោជប់ ស្រីយ៉ា ខណៈចេញមកវិញឡើងជិះម៉ូតូក៏ដួលបោកក្បាលកាលវេលាម៉ោង១២និង៣០នាទីថ្ងៃត្រង់ថ្ងៃទី១៨ ខែសីហា ឆ្នាំ ២០១៦ នៅតាមផ្លូវ១៥៥ សង្កាត់ទួលទំពូងទី១ ខណ្ឌចំការមន រាជធានីភ្នំពេញ។

ជនរងគ្រោះមានឈ្មោះ រ័ត្ន ជឿន ភេទប្រុស អាយុ៦២ឆ្នាំ មុខរបរមន្រ្តីចូលនិវរត្តន៍ ស្នាក់នៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្ដាល ជិះម៉ូតូឌ្រីម សង់ សេ១២៥ ពណ៌ខ្មៅ ពាក់ស្លាកលេខ កណ្ដាល 1S-9267 សេរីឆ្នាំ២០១៦ ។ មានប្រពន្ធឈ្មោះ ងិង ធូ ភេទស្រី អាយុ៥៦ឆ្នាំ មុខរបរលក់បន្លែផ្សារអូស្សី ស្នាក់នៅផ្ទះគ្មានលេខស្ថិតនៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្ដាល។

បច្ចប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណីនៅក្រុងតាខ្មៅ ខេត្តកណ្ដាល៕

ដោយ៖ ស រស្មី