សហរដ្ឋអាមេរិកកំពុងជួបប្រទះរដូវជំងឺផ្ដាសាយដ៏អាក្រក់បំផុតក្នុងរយៈពេល ១៥ ឆ្នាំ ដោយបញ្ជូនមន្ទីរពេទ្យទៅក្នុងវិបត្តិជាថ្មីម្តងទៀត។
យោងតាមមជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក (CDC) បានឱ្យដឹងថា សហរដ្ឋអាមេរិកកំពុងជួបប្រទះនឹងរដូវផ្តាសាយដ៏សាហាវ ហើយមន្ទីរពេទ្យកំពុងស្ថិតក្នុងវិបត្តិ រកកន្លែងឲ្យអ្នកជំងឺសម្រាក់ព្យាបាលមិនបាន។
យោងតាមទីភ្នាក់ងារព័ត៌មាន Reuters បានឲ្យដឹងថា បច្ចុប្បន្នមន្ទីរពេទ្យកំពុងផ្ទុកអ្នកជំងឺគ្រុនផ្តាសាយ។ អ្នកជំងឺទាំងនេះវិវត្តទៅជាជំងឺរលាកសួត និងផ្លូវដង្ហើម។ អ្នកស្រីSarah អ្នកជំងឺនៅមន្ទីរពេទ្យ WakeMed បាននិយាយថា “នៅពេលដែលយើងទៅដល់មន្ទីរពេទ្យ ដោយគ្មានបន្ទប់ទៀតទេសម្រាក់ស្នាក់នៅព្យាបាល»។
វេជ្ជបណ្ឌិត និងគិលានុបដ្ឋាយិកានៅទូទាំងប្រទេសកំពុងមានការលំបាកក្នុងការដោះស្រាយស្ថានភាពនេះ។ គិលានុបដ្ឋាយិកាម្នាក់ក្នុងរដ្ឋ Maryland បានសរសេរនៅលើ Reddit ថា “មនុស្សរាប់មិនអស់ក្នុងវ័យ 40 ឆ្នាំរបស់ពួកគេត្រូវបានបញ្ជូនទៅមន្ទីរពេទ្យដោយមានជំងឺគ្រុនផ្តាសាយធ្ងន់ធ្ងរខ្លាំង” ។
វេជ្ជបណ្ឌិត Christine Knettel គ្រូពេទ្យសង្គ្រោះបន្ទាន់នៅ UNC Health Rex បាននិយាយថា “យើងចង់មើលថែអ្នកជំងឺរបស់យើងទាំងអស់ ប៉ុន្តែមន្ទីរពេទ្យត្រូវបានគ្របដណ្តប់ដោយអ្នកជំងឺពេញទាំងអស់នៅពេលនេះ” យើងអស់សង្ឃឹមទាំងស្រុង»។
លោកវេជ្ជបណ្ឌិត Torey Mack ប្រធានផ្នែកវេជ្ជសាស្រ្តនៃសមាគមមន្ទីរពេទ្យកុមារដែលតំណាងឱ្យមន្ទីរពេទ្យជាង 200 នៅទូទាំងប្រទេសបាននិយាយថា គ្លីនិកកុមារ និងផ្នែកសង្គ្រោះបន្ទាន់ក៏មានអ្នកជំងឺច្រើនលើសលប់ផងដែរ។ សាលារៀនជាច្រើនបានក្លាយជាចង្កោមការផ្ទុះមេរោគតូចៗ នៅពេលដែលកុមារឆ្លងមេរោគគ្នាទៅវិញទៅមក។
CNN បានដកស្រង់សំដីគិលានុបដ្ឋាយិកាម្នាក់ទៀតថា “វាមានអារម្មណ៍ដូចជារលក Delta នៃ Covid19 កំពុងត្រលប់មកវិញ” ។
យោងតាម CDC មានជម្ងឺយ៉ាងហោចណាស់ 24 លានករណី សម្រាកនៅមន្ទីរពេទ្យចំនួន 310.000 នាក់ និង 13.000 នាក់បានស្លាប់ដោយសារជំងឺគ្រុនផ្តាសាយនៅរដូវកាលនេះ (2024 – 2025) ។ ទីភ្នាក់ងារនេះបាននិយាយនៅក្នុងរបាយការណ៍តាមដានជំងឺផ្តាសាយប្រចាំសប្តាហ៍របស់ខ្លួនថា សកម្មភាពជំងឺផ្តាសាយតាមរដូវនៅតែបន្តកើនឡើងនៅទូទាំងប្រទេស៕
រូបថត: Reuters