ភ្នំពេញ៖ នៅវេលាម៉ោង៩ព្រឹកថ្ងៃទី១៩ ខែសីហា ឆ្នាំ២០១៦ នៅវិមានព្រឹទ្ធសភា សម្តេចវិបុលសេនាភក្តី សាយ ឈុំ ប្រធានព្រឹទ្ធសភា អនុញ្ញាតឲ្យឯកអគ្គរាជទូតចំនួន០៥រូប ដែលរាជរដ្ឋាភិបាលតែងតាំងថ្មី ចូលជួបសម្តែងការគួសម និងទទួលអនុសាសន៍ នៅមុនពេល លោក ទាំង៥រូប អញ្ជើញទៅបំពេញបេសកកម្មការទូត ប្រចាំនៅសហភាពមីយ៉ាន់ម៉ា, សាធារណរដ្ឋគុយបា, សហព័ន្ធរុស្ស៊ី, សាធារណរដ្ឋសង្គមនិយមវៀតណាម និង ប្រ៊ុយណេដារ៉ូស្សាឡឹម។

លោកឯកអគ្គរាជទូតថ្មីទាំង៥រូបនោះ រួមមាន លោក សុក ជា ឯកអគ្គរាជទូតប្រចាំនៅសហភាពមីយ៉ាន់ម៉ា លោក ហេង សុផល ឯកអគ្គរាជទូតប្រចាំនៅសាធារណរដ្ឋគុយបា លោក កែវ វិសិដ្ឋ ឯកអគ្គរាជទូតប្រចាំនៅសហព័ន្ធរុស្ស៊ី លោក ប្រាក់ ងួនហុង ឯកអគ្គរាជទូតប្រចាំនៅសាធារណរដ្ឋសង្គមនិយមវៀតណាម និងលោក អ៊ុក ចាន់ដារ៉ា ឯកអគ្គរាជទូតប្រចាំនៅប្រទេសប្រ៊ុយណេដារ៉ូស្សាឡឹម៕

  

ដោយ៖ សីលា