ក្រុមបិសាចក្រហម Manchester United នឹងត្រូវប៉ះជាមួយក្រុមអេស្ប៉ាញ Real Sociedad ក្នុងវគ្គ១៦ក្រុមចុងក្រោយនៃ Europa League រដូវកាលនេះ ខណៈដែល Tottenham នឹងប្រកួតជាមួយ AZ Alkmaar ហើយ Rangers ជួប Fenerbahce របស់លោក Jose Mourinho។

ប្រសិនបើ United ឈានទៅវគ្គបន្ត ពួកគេនឹងប្រកួតជាមួយក្រុមកំពូលតារាងមកពីលីករូម៉ានី FCSB ឬ Lyon ក្នុងវគ្គ១/៤ផ្តាច់ព្រ័ត្រ។

ក្រុម Spurs ឬក្រុមហូឡង់ AZ Alkmaar បើសិនជាអ្នកណាឈ្នះនឹងត្រូវជួបក្រុម Eintracht Frankfurt ឬ Ajax ក្នុងវគ្គ៨ក្រុមចុងក្រោយ ខណៈ Rangers នឹងជួបក្រុម Roma ឬ Athletic Bilbao ប្រសិនបើពួកគេយកឈ្នះលើក្លិបទួរគី Fenerbahce។

ជាមួយនឹងក្រុម Manchester United និង Tottenham នៅពាក់កណ្តាលនៃការចាប់ឆ្នោត ពួកគេអាចជួបគ្នានៅវគ្គផ្តាច់ព្រ័ត្រនៅទីក្រុង Bilbao នៅថ្ងៃទី២១ ខែឧសភា ដោយដឹងថា អ្នកឈ្នះនឹងទទួលបានការប្រកួតបាល់ទាត់ក្របខ័ណ្ឌ Champions League នៅរដូវកាលក្រោយ។

ក្រុមដែលនៅ Premier League បានធានា៥កន្លែងនៅក្នុង Champions League នៅរដូវកាលក្រោយ មានន័យថាក្លិបអង់គ្លេសក្នុងតំបន់ Top 5 នឹងមានកៅអីនៅក្នុងការប្រកួតក្លិបកំពូលរបស់អឺរ៉ុបនៅឆ្នាំ២០២៥-២០២៦ ព្រោះ Spurs និង United ទំនងជាមិនបញ្ចប់ក្នុងចំណាត់ថ្នាក់កំពូលទាំង៥នេះទេ។

ទន្ទឹមនឹងនេះ Chelsea ក៏ចាប់ឆ្នោត៉ះក្រុម FC Copenhagen ក្នុងវគ្គ១៦ក្រុមចុងក្រោយនៃ Conference League ផងដែរ។ Chelsea នឹងធ្វើដំណើរទៅកាន់ប្រទេសដាណឺម៉ាកសម្រាប់ជើងទី១ នៅថ្ងៃទី៦ ខែមីនាជាមួយនឹងការត្រឡប់មកវិញនៅ Stamford Bridge នៅ៧ថ្ងៃក្រោយមក។

United, Spurs និង Rangers សុទ្ធតែត្រូវប្រកួតជើងទី១នៅក្រៅទឹកដីនៃការប្រកួតវគ្គ១៦ក្រុមចុងក្រោយរបស់ពួកគេនៅថ្ងៃព្រហស្បតិ៍ទី៦ ខែមីនា។ ជើងទី២នឹងធ្វើឡើងនៅថ្ងៃទី១៣ ខែមីនា។ ខាងក្រោមនេះគឺជាការក្រុមដែលត្រូវប៉ះគ្នានៅ Europa League វគ្គ១៦ក្រុមចុងក្រោយ៖

Bodo/Glimt ប៉ះ Olympiakos – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង៣រំលងអធ្រាត្រ។

Fenerbahce ប៉ះ Rangers – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង១២និង៤៥នាទីរំលងអធ្រាត្រ។

Ajax ប៉ះ Eintracht Frankfurt – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង៣រំលងអធ្រាត្រ។

FCSB ប៉ះ Lyon – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង១២និង៤៥នាទីរំលងអធ្រាត្រ។

AZ Alkmaar ប៉ះTottenham – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង១២និង៤៥នាទីរំលងអធ្រាត្រ។

Real Sociedad ប៉ះ Manchester United – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង១២និង៤៥នាទីរំលងអធ្រាត្រ។

Viktoria Plzen ប៉ះ Lazio – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង៣រំលងអធ្រាត្រ។

Roma ប៉ះ Athletic Bilbao – ជើងទីមួយនៅថ្ងៃទី៦ ខែមីនា, ជើងទីពីរនៅថ្ងៃទី១៣ ខែមីនា ម៉ោង៣រំលងអធ្រាត្រ៕ (រូបភាព ៖ UEFA Europa League)