ភ្នំពេញ៖ នៅព្រលប់ថ្ងៃសៅរ៍ទី០១ ខែមីនា ឆ្នាំ២០២៥នេះ មានករណីឃាតកម្មទៅលើនារីវ័យ ១៨ឆ្នាំម្នាក់ បម្រើការងារផ្នែកអនឡាញ ឈ្មោះ ហេង សៀវលី ត្រូវជនជាតិចិន សម្លាប់ដោយចងដៃ រួចនាំយកទៅកប់ ទាំងអាក្រាតកាយ នៅតាមផ្លូវ ៦០ម៉ែត្រ ស្ថិតក្នុងសង្កាត់ជើងឯក ខណ្ឌដង្កោ រាជធានីភ្នំពេញ នៅម៉ោង ២ រសៀលថ្ងៃទី០១ ខែមីនា ឆ្នាំ២០២៥។
បន្ទាប់ពីបុរសជនជាតិចិនបានសម្លាប់នារីរងគ្រោះរួចក៏បានចូលខ្លួនទៅសារភាព នៅនគរបាលព្រហ្មទណ្ឌ ដេីម្បីទទួលទោសថា ខ្លួនពិតជាបានសម្លាប់នារីរងគ្រោះប្រាកដមែន។
ដោយឡែកជុំវិញករណីនេះដែរមិនទាន់ដឹងពីមូលហេតុនៃការសម្លាប់នារីរងគ្រោះនោះទេ។ បច្ចុប្បន្នជនសង្ស័យត្រូវបានកម្លាំងនគរបាលជំនាញព្រហ្មទណ្ឌ ឃាត់ខ្លួនបណ្ដោះអាសន្ន។
ជាមួយគ្នានេះ ប្រជាពលរដ្ឋអ្នកលេងបណ្ដាញសង្គមនានា បានបង្ហោះនិងខំមិនតៗគ្នាថា សូមនារីវ័យក្មេង គ្រប់ៗរូប ត្រូវមានការប្រុងប្រយ័ត្នអំពីសុវត្ថិភាព ក្នុងការជួបជុំ ឬសេពគប់ ជាមួយជនជាតិចិនផង..៕ដោយ៖ភារ៉ា ដង្កោ
