ភ្នំពេញ៖ បុរសម្នាក់ខណៈចេញពីធ្វេីការរោងចក្របានចតម៉ូតូខាងក្រោមដោយចាក់សោរត្រឹមត្រូវរួចឡេីងទៅបន្ទប់ជួលជាន់ទី២ហូបបាយចំមកវិញស្រាប់តែត្រូវចោរលួចយកទៅបាត់ទេីបង្កការភ្ញាក់ផ្អេីលកាលពីវេលាម៉ោង១១និង២០នាទីព្រឹកថ្ងៃទី៤ ខែមីនា ឆ្នាំ២០២៥ នៅបុរីសែនមនោរម្យ សង្កាត់កន្ទោក ខណ្ឌកំបូល។
ជនរងគ្រោះឈ្មោះស៊ុន កុសល់ ភេទប្រុសអាយុ២៣ឆ្នាំ មុខរបរកម្មកររោងចក្រ ស្នាក់នៅបន្ទប់ជួលបុរីសែនមនោរម្យ សង្កាត់កន្ទោក ខណ្ឌកំបូល។ មានស្រុកកំណេីតនៅ ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ។ ម៉ូតូហុងដាឌ្រីមស៊េរីឆ្នាំ២០២២ ពណ៌ខ្មៅ ពាក់ស្លាកលេខព្រះសីហនុ1J5998 ។
តាមសម្តីជនរងគ្រោះបានឲ្យដឹងថា មុនពេលកេីតហេតុរូបគាត់បានជិះម៉ូតូចេញពីធ្វេីការរោងចក្រមកបន្ទប់ជួលរួចក៏ចតទុកខាងក្រោមដោយចាក់សោរកត្រឹមត្រូវរួចបានឡេីងទៅបន្ទប់ជួលជាន់ទី២ដេីម្បីសម្រាកហូបបាយ។
ជនរងគ្រោះបន្តថា ក្រោយពីហូបបាយរួមប្រហែលជាង១០នាទីរូបគេក៏ចុះមកវិញស្រាប់តែបាត់ម៉ូតូមិនដឹងទៅណា ខំដេីររកគ្រប់កន្លែងមិនឃេីញទេីបគិតថាត្រូវចោរលួចបាត់ទៅ ។
ក្រោយកេីតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលកន្ទោកដេីម្បីស្រាវជ្រាវ៕
ដោយ៖សុខាសែនជ័យ
