ភ្នំពេញ: បុរសជនជាតិចិនម្នាក់ខឹងសង្សារជានារីខ្មែរសុំចែកផ្លូវគ្នាបានយកកាំបិតចុងស្រួចទៅដេញចាក់ក្រុមគ្រួសារខាងស្រីបណ្ដាលឲ្យមានអ្នករងរបួសរួចភ័យរត់គេចខ្លួនទៅបាត់ ។
ហេតុការណ៍នេះបង្កឲ្យមានការភ្ញាក់ផ្អើលនៅម៉ោង៩:២៥នាទីយប់ថ្ងៃទី១២ខែមីនាឆ្នាំ២០២៥ ស្ថិតនៅក្នុងភូមិព្រៃកី សង្កាត់ភ្លេីងឆេះរទេះ ខណ្ឌកំបូលរាជធានីភ្នំពេញ។
បើតាមសម្តីពីនារីខ្មែរដែលត្រូវជាសង្សាររបស់បុរសជនជាតិចិនបង្កហិង្សាខាងលើបានឲ្យដឹងថា ពួកគាត់មានទំនាក់ទំនងស្រលាញ់គ្នាជិតមួយឆ្នាំមកហើយ រស់នៅជាមួយគ្នាទេីបតែបាន៤ខែប៉ុណ្ណោះ ដោយខាងបុរសជនជាតិចិនបានផ្ដល់ឲ្យលុយទៅនារីខ្មែរជាសង្សារចំនួន៤០០០$ ជាដេីម្បីបេីកមុខរបររកស៊ីជាមួយគ្នាបន្ទាប់មកអ្នកទាំងពីរសហការគ្នារួចខាងស្រីបានយកលុយទាំងនោះមកបេីកលក់កាហ្វេ ឡាយលកឡាយលក់តាមអនឡាញមករហូត។ លុះពីរខែចុងក្រោយនេះអ្នកទាំងពីរចេះតែឈ្លោះប្រកែកគ្នាញឹកញាប់រហូតថ្នាក់ខាងស្រីទ្រាំមិនបានក៏សុំចែកផ្លូវជាមួយបុរសជនជាតិចិនរូបនេះតែម្ដង ។ បន្ទាប់ពីបែកផ្លូវរួចខាងបុរសជនជាតិចិនបានទៅទារលុយពីនារីខ្មែរវិញម្ដងតែខាងស្រីមិនព្រមអោយនោះទេពីព្រោះខ្លួនបានខាតបង់ខ្លួនប្រាណជាមួយបុរសជនជាតិចិនរូបនេះអស់ទៅហើយ ខាងបុរសជនជាតិចិនមកទារលុយមិនបានក៏ត្រឡប់ទៅវិញ លុះនៅម៉ោងកេីតហេតុជនសង្ស័យបានជិះ Pass app មកផ្មកផ្ទះខាងស្រីដើម្បីទារលុយម្ដងទៀតនៅពេលនោះនារីខ្មែរជាសង្សារបានប្រាប់ទៅបុរសជនជាតិចិនថា បេីចង់បានលុយត្រូវទៅប៉ុស្តិ៍ប៉ូលិសទាំងអស់គ្នា ហើយអ្នកទាំងពីរបានជជែកឈ្លោះប្រកែកប្រតាយប្រតប់គ្នាឪពុកម្ដាយខាងស្រីឃើញគេរករឿងកូនរបស់ខ្លួនក៏គ្នាទៅជួយព្រួតវាយបុរសជនជាតិចិនរូបនោះ ខឹងក៏រត់ចូលទៅក្នុងផ្ទះខាងស្រីយកកាំបិតចុងស្រួចមកដេញចាក់ក្រុមគ្រួសាររងគ្រោះបណ្ដាលឲ្យមុតជេីងឪពុករងរបួសពីរកាំបិតហូរឈាមបន្ទាប់មកពលរដ្ឋជិតខាងឃើញក៏នាំគ្នាទៅជួយអន្តរាគមន៍ឃាត់ខ្លួនបុរសជនជាតចិនតែឃាត់មិនបានជនបង្កបានរត់គេចខ្លួនទៅបាត់ស្រមោលពីកន្លែងកើតហេតុ។
ភ្លាមនោះកម្លាំងសមត្ថកិច្ចមូលដ្ឋានចុះមកដល់តាមរកជនបង្កគ្រប់ច្រកល្ហកនៅតែរកមិនឃើញ។
បន្ទាប់ពីកេីតហេតុក្រុមគ្រួសាររងគ្រោះបាននាំគ្នាមកដាក់ពាក្យបណ្ដឹងនៅប៉ុស្តិ៍រដ្ឋបាលសង្កាត់ភ្លេីងឆេះរទេះដេីម្បីអោយសមត្ថកិច្ចជួយអន្តរាគមន៍ស្រាវជ្រាវឃាត់ខ្លួនបុរសជនជាតិចិនខាងលើមកផ្ដន្ទាទោសទៅតាមនីតិវិធី៕
ដោយ៖ ជ្រោយពេជ្រ
