ខេត្តព្រះសីហនុ÷ បុរសវ័យចំណាស់ម្នាក់បានស្លាប់ ក្រោយជួបគ្រោះថ្នាក់ចរាចរណ៍រវាង ម៉ូតូ និងម៉ូតូ នាវេលាម៉ោងជាង ៦ល្ងាច ថ្ងៃទី១៣ ខែមីនា ឆ្នាំ២០២៥ នៅត្រង់ចំណុចមុខសាលារៀនចិន ស្ថិតក្នុងភូមិ៣ ឃុំទំនប់រលក ស្រុកស្ទឹងហាវ ខេត្តព្រះសីហនុ។
យោងតាមរបាយការណ៍របស់សមត្ថកិច្ច មានករណីគ្រោះថ្នាក់ចរាចរណ៍មួយកើតឡើង រវាងម៉ូតូ០១គ្រឿងម៉ាក HONDA SCOPY ពណ៌ស អ្នកបើកបរឈ្មោះ ឈុន ពិសិទ្ធ ភេទប្រុស អាយុ ១៦ឆ្នាំ ជនជាតិខ្មែរ មុខរបរកម្មករ បច្ចុប្បន្នស្នាក់នៅ ភូមិ១ ឃុំទំនប់រលក ខេត្តព្រះសីហនុ ដែលមានទិសដៅពីជើងឆ្ពោះទៅត្បូង(សង្ស័យបញ្ច្រាស់ទិស)។ លុះមកដល់ចំណុចកេីត ហេតុខាងលើ បេីកក្នុងល្បឿនលឿនបុកជាមួយនឹងម៉ូតូ០១គ្រឿងម៉ាក HONDA DREAM ពណ៌ខ្មៅ បេីកបរដោយឈ្មោះ លី ឃុយ ភេទប្រុស កេីតឆ្នាំ៧៦ឆ្នាំ ជនជាតិខ្មែរ មានទីលំនៅភូមិ៣ ឃុំអូរត្រេះ ស្រុកស្ទឹងហាវ ខេត្តព្រះសីហនុ ដែលមានទិសដៅផ្ទុយគ្នា។
គ្រោះថ្នាក់ចរាចរណ៍ខាងលើនេះ បណ្តាលឲ្យស្លាប់បុរស ១នាក់ ក្រោយពេលបញ្ចូនដល់មន្ទីពេទ្យខេត្តព្រះសីហនុ (អ្នកបេីកបរម៉ូតូ HONDA DREAM) និងរងរបួស ស្រាល០១នាក់(អ្នកបេីកបរម៉ូតូ HONDA SCOOPY) ត្រូវបានយកសួរនាំនៅអធិការដ្ឋាននគរបាលស្រុកស្ទឹងហាវ ចំណែកសាកសពបានប្រគល់ជូនក្រុមគ្រួសារយកទៅធ្វេីបុណ្យតាមប្រពៃណី។
វត្ថុតាង ម៉ូតូ០២គ្រឿង ខូចធ្ងន់ សមត្ថកិច្ចយកមករក្សា ទុកបណ្តោះអាសន្ននៅអធិការដ្ឋាននគរបាលស្រុកស្ទឹងហាវ ដេីម្បីបន្តតាមនីតិវិធី៕
