ភ្នំពេញ ៖ ឯកអគ្គរដ្ឋទូតចិនប្រចាំកម្ពុជា លោក វ៉ាង វិនពីន (WANG Wenbin) បាន សរសេរ នៅ លើទំព័រហ្វេសប៊ុក នាថ្ងៃទី១៨ ខែមីនានេះថា ផ្លូវថ្មើរជើង (Walk Street) នៅមាត់ទន្លេ កំពុង ក្លាយជាកន្លែងកម្សាន្តចុងសប្ដាហ៍ដ៏ពេញនិយមសម្រាប់ពលរដ្ឋខ្មែរ និងភ្ញៀវទេសចរ។ ទន្ទឹមនេះ លោក ក៏សង្ឃឹមថា ការសម្ដែងសិល្បៈខ្មែរ, សកម្មភាពវប្បធម៌ និងការកម្សាន្ត ផ្សេងទៀតនៅលើវិថីនេះនឹងទាក់ទាញទេសចរចិនកាន់តែច្រើន។

នៅមុន៤ម៉ោង នាព្រឹកថ្ងៃទី១៨ ខែមីនា ឆ្នាំ២០២៥  លោក វ៉ាង វិនពីន (WANG Wenbin) ឯកអគ្គរដ្ឋទូតចិនប្រចាំកម្ពុជា  បានបង្ហោះលើផេកផ្លូវការលោកថា ៖ ចាប់តាំងពីបើកដំណើរការនាឆ្នាំនេះមក វិថីថ្មើរជើងនៅមាត់ទន្លេក្នុងរាជធានីភ្នំពេញ បានក្លាយជាកន្លែងកម្សាន្តចុងសប្តាហ៍ដ៏ពេញនិយមសម្រាប់អ្នករស់នៅក្នុងតំបន់និងភ្ញៀវទេសចរ សង្ឃឹមថាការសម្តែងសិល្បៈខ្មែរ និងសកម្មភាពវប្បធម៌និងការកម្សាន្តផ្សេងទៀតនៅលើដងវិថីនេះនឹងទាក់ទាញភ្ញៀវទេសចរចិនកាន់តែច្រើន។
Strolling down Phnom Penh’s riverside walk street opened this year has become a great weekend pastime for both locals and tourists. Surely the Khmer art performances and other entertainments there will be great attractions for many more tourists, including those from China. ។
ចំពោះសំណេរបង្ហោះនេះ លោក ឃួង ស្រេង អភិបាល នៃគណៈអភិបាលរាជធានីភ្នំពេញ ក៏បានស៊ែរបង្ហោះលើផេកផ្លូវការរបស់លោកដែរ ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក៏ចាប់អារម្មណ៌ខ្លាំងចំពោះភ្ញៀវទេសចរជាតិ អន្តរជាតិ បានមកកម្សាន្តតាមផ្លូវថ្មើរជើង (Walk Street) ។
សម្តេចមហាបវរធិបតី ហ៊ុន ម៉ាណែត បានលើកឡើងថា ៖ ផ្លូវថ្មើរជើង (Walk Street) នាចុងសប្តាហ៍ សម្រាប់ប្រជាពលរដ្ឋ និងភ្ញៀវទេសចរណ៍នៅរាជធានីភ្នំពេញ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានបន្យថា ៖ ខ្ញុំសូមកោតសរសើរដល់សាលារាជធានីភ្នំពេញ ក៏ដូចជាគ្រប់ស្ថាប័ននិងកម្លាំងសមត្ថកិច្ចពាក់ព័ន្ធទាំងអស់ ដែលបានសហការគ្នាល្អក្នុងការរៀបចំផ្លូវថ្មើរជើង (Walk Street) បានល្អប្រសើរ សម្រាប់ប្រជាពលរដ្ឋខ្មែរនិងភ្ញៀវទេសចរណ៍ ដើរកំសាន្តនៅចុងសប្តាហ៍ប្រកបដោយសុវត្ថិភាព និងសប្បាយរីករាយ៕

ដោយ ៖ សុខ ខេមរា