ភ្នំពេញ៖ សមត្ថកិច្ចខណ្ឌទួលគោកចុះអន្ដរាយឋកមន៍ភ្លាមៗ បន្ទាប់ពីឆ្លងចរន្ដអគ្គិសនីឆេះខ្សែភ្លើង ជាប់និងសាលាអាល់ប៊ីតអន្ដរជាតិ ភ្ញាក់ផ្អើលដល់ប្រជាពលរដ្ឋទាក់ទងទៅសមត្ថកិច្ច ហេតុការណ៍អគ្គីភ័យនេះបង្កការភ្ញាក់ផ្អើលកាលពីវេលាម៉ោង ៤ និង១៦ នាទីរសៀលថ្ងៃទី១៨ ខែមិនា ឆ្នាំ២០២៥ ស្ថិតតាមបណ្ដោយផ្លូ ៣៣៥កែងនិង៥៦៦ ក្នុងសង្កាត់បឹងកក់ទី០១ ខណ្ឌទួលគោក រាជធាន៏ភ្នំពេញ ។
ប្រភពពីកន្លែងកើតហេតុបានអោយដឹងថាមនុពេលកើតហេតុ ពលរដ្ឋលឺសំលេងផ្ទុះពីខ្សែភ្លើងបង្ករជាអណ្ដាតភ្លើងឆេះ ជាប់និងសាលាអាល់ប៊ីតអន្ដរជាតិ ក៏បង្កការភ្ញាក់ផ្អើលដល់ប្រជាពលរដ្ឋទាក់ទងទៅសមត្ថកិច្ចជួយអន្ដរាគមន៍ និងរថយន្ដពន្លត់អគ្គីភ័យចេញមកផងដែរ បន្ទាប់ពីទទួលបានព័ត៌មានពីប្រជាពលរដ្ឋសមត្ថកិច្ចក៏ចុះមកដល់ រួចក៏ទាក់ទងទៅសមត្ថកិច្ចជំនាញEDC បិតកុងតា រួចក៏នាំគ្នាយកបំពង់ពន្លត់អគ្គិភ័យជាច្រើនបំពង់មកបាញ់ពន្លត់រលត់វិញ ។
ក្នុងហេតុការណ៍អគ្គីភ័យនេះមិនបានប្រើប្រាស់រថយន្ដពន្លត់អគ្គីភ័យឡើយ ។
ចំពោះការឆេះនេះមិនរាយដាលដល់ផ្ទះប្រជាពលរដ្ឋណាឡើយ ឆេះតែខ្សែភ្លើងដាច់ធ្លាក់រាយពេញផ្លូវ សមត្ថកិច្ចមូលដ្ឋានក៏បានបិទផ្លូវ៥៦៦ទីតាំងដែលខ្សែភ្លើងធ្លាក់កាត់ទទឹងផ្លូវជាបណ្ដោះអាសន្ន រងចាំខាងមន្រ្ដីអគ្គិសនី មកពិនិត្យតភ្ជាក់ដំណើរការធម្មតាវិញ ទើបបើកផ្លូវអោយប្រជាពលរដ្ឋធ្វើដំណើរ ៕ដោយ ៖ ភារ៉ា ដង្កោ
