ភ្នំពេញ៖ ក្រសួងអប់រំយុវជន និងកីឡាបានចេញសេចក្តីជូនដំណឹងពីការប្រកួតប្រជែងគណិតវិទ្យាថ្នាក់ជាតិ ដោយប្រើបច្ចេកវិទ្យាម៉ាស៊ីនគិតលេខវិទ្យាសាស្ត្រ សម្រាប់សិស្សដែលកំពុងសិក្សាពីថ្នាក់ទី៧ ដល់ថ្នាក់ទី១២ ។

ក្រសួងអប់រំបានឱ្យដឹងថា ដោយទទួលបានការឧបត្ថម្ភគាំទ្រពីក្រុមហ៊ុនកាស្សសិង្ហបុរី តាមរយៈបណ្ណាគារអន្តរជាតិIBC ភ្នំពេញ និងដោយ មានកិច្ចសហការជាមួយសហគមន៍អ្នកគណិតវិទ្យាកម្ពុជា ក្រសួងអប់រំ យុវជន និងកីឡា នឹងរៀបចំការប្រកួតប្រជែង គណិតវិទ្យា ថ្នាក់ជាតិដោយប្រើបច្ចេកវិទ្យាម៉ាស៊ីនគិតលេខវិទ្យាសាស្ត្រ សម្រាប់សិស្សពីថ្នាក់ទី៧ ដល់ថ្នាក់ទី១២ ដែល នឹងប្រព្រឹត្តទៅនៅថ្ងៃអាទិត្យទី០៦ ខែកក្កដា ឆ្នាំ២០២៥ វេលាម៉ោង៨និង០០នាទីព្រឹក នៅវិទ្យាស្ថានជាតិអប់រំ។
ការប្រកួតប្រជែងគណិតវិទ្យាដោយប្រើបច្ចេកវិទ្យាម៉ាស៊ីនគិតលេខវិទ្យាសាស្ត្រនេះ រៀបចំឡើងក្នុងគោលបំណងចូលរួម ពង្រឹងសមត្ថភាពសិស្ស ព្រមទាំងពង្រឹងគុណភាព និងប្រសិទ្ធភាពនៃការរៀន និងការសិក្សាស្រាវជ្រាវគណិតវិទ្យា ជាពិសេសតាមរយៈការបញ្ជាប ICT ទៅក្នុងការអប់រំគណិតវិទ្យា និងការអប់រំស្ទែមនៅកម្ពុជា៕

ដោយ ៖ សិលា