យោងតាមនាយកដ្ឋានគយវៀតណាមបានឱ្យដឹងថា វៀតណាមបាននាំចេញកាហ្វេចំនួន 309,505 តោន ដែលរកចំណូលបានប្រហែល 1.72 ពាន់លានដុល្លារក្នុងរយៈពេលពីរខែដំបូងនៃឆ្នាំនេះ។

 

លោក Nguyen Duc Dung អគ្គនាយករងនៃនាយកដ្ធានផ្លាស់ប្តូរទំនិញវៀតណាមបានកត់សម្គាល់ថាតម្លៃកាហ្វេនៅក្នុងទីផ្សារពិភពលោកបានកើនឡើងយ៉ាងខ្លាំង ជាលទ្ធផល តម្លៃនៃការនាំចេញកាហ្វេរបស់វៀតណាមបានកើនឡើងជាង 37% ក្នុងអំឡុងពេលនេះ ទោះបីជាទំហំនាំចេញទំនិញសរុបរបស់ខ្លួនបានថយចុះ 22% ក៏ដោយ។ នៅលើទីផ្សារក្នុងស្រុក តម្លៃកាហ្វេនៅតំបន់ខ្ពង់រាបកណ្តាល និងខេត្តភាគខាងត្បូងក៏បានឡើងដល់កម្រិតខ្ពស់ផងដែរ។
នៅថ្ងៃទី 14 ខែមីនា តម្លៃបានឡើងដល់ប្រហែល 139,000 ដុង (5.44 ដុល្លារ) ក្នុងមួយគីឡូក្រាម ដែលខ្ពស់ជាង 50% ធៀបនឹងរយៈពេលដូចគ្នាកាលពីឆ្នាំមុន។ តម្លៃត្រូវបានគេរំពឹងថានឹងកើនឡើងបន្ថែមទៀតនៅក្នុងត្រីមាសទីពីរដោយសារតែកង្វះការផ្គត់ផ្គង់។
ក្រៅ​ពី​កាហ្វេ ការ​នាំ​ចេញ​ម្រេច​របស់​វៀតណាម​បាន​ជួប​ប្រទះ​ការ​ធ្លាក់​ចុះ​នៃ​បរិមាណ ប៉ុន្តែ​ឃើញ​ថា​មាន​ការ​កើន​ឡើង ៥០ ភាគរយ​នៃ​តម្លៃ​ពី​មួយ​ឆ្នាំ​ទៅ​មួយ​ឆ្នាំ។ អាស្រ័យហេតុនេះ ប្រទេសវៀតណាមរកចំណូលបាន ១៨៤,៤ លានដុល្លារពីការនាំចេញម្រេចចំនួន ២៧ ២៧៤ តោនក្នុងរយៈពេលពីរខែ។