អន្តរជាតិ ៖ នាព្រឹកថ្ងៃទី២៧ ខែមីនា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ ទាក់ទងនឹងករណី ដែល ទីភ្នាក់ងារ ស៊ើបការណ៍អាមេរិក បាន ចេញផ្សាយ របាយការណ៍ ពាក់ ព័ន្ធ ប្រទេសចិន នាពេលថ្មីៗកន្លងទៅនេះ លោក Guo Jiakun អ្នកនាំពាក្យ នៃក្រសួង ការ បរទេស ចិន បានថ្លែងក្នុងសន្នីសិទសារព័ត៌មានជាប្រចាំនៅថ្ងៃទី ២៦ ខែមីនា ថា ភាគី អាមេរិក បាន ចេញ ផ្សាយ របាយការណ៍ ដែល គ្មាន ភាព ទទួលខុសត្រូវ និង ពោរពេញទៅ ដោយ គំនិត លម្អៀង បែបនេះ មួយឆ្នាំហើយមួយឆ្នាំទៀត ដើម្បី ផ្សព្វផ្សាយ គំនិតស្តីពីការគំរាម កំហែង របស់ ប្រទេសចិន និង ឃោសនាបំប៉ោង ពី ការប្រកួតប្រជែង រវាង ប្រទេស មហា អំណាច ដែល វាគ្រាន់តែ រកលេស ដើម្បី ទប់ស្កាត់ ការអភិវឌ្ឍ របស់ ប្រទេសចិន និង គាំពារ អនុត្តរភាព របស់ ខ្លួន តែប៉ុណ្ណោះ ។

គេហទំព័រ «CCFR China state-controlled media » លោក Guo Jiakun បានលើកឡើងថា ការអភិវឌ្ឍ របស់ប្រទេសចិន មាន តក្កវិជ្ជា នៃ ប្រវត្តិសាស្ត្រ ដ៏ ច្បាស់លាស់ និង កម្លាំងចលករ ផ្ទៃ ក្នុង ដ៏ ខ្លាំងក្លា ។ ដោយឡែក គោល ដៅ របស់ យើង គឺ ច្បាស់លាស់ ណាស់ ពោលគឺ ធ្វើឱ្យ ប្រជាជនចិន មានជីវភាពរស់នៅកាន់តែ ល្អ ប្រសើរ និង រួម ចំណែក កាន់តែធំ ដល់ ពិភពលោក ។ យើង ដាស់តឿនសហរដ្ឋអាមេរិក កុំប្រើ តក្កវិជ្ជា អនុត្តរភាព របស់ខ្លួន មកឆ្លុះបញ្ចាំងពីប្រទេសចិន កុំវាយតម្លៃពីទំនាក់ទំនងរវាង ចិន និង អាមេរិក ដោយគំនិតសង្គ្រាមត្រជាក់ដែលហួសសម័យ ក៏ដូចជា កុំទប់ស្កាត់និងគាប សង្កត់ ចិន ក្រោម លេស ប្រកួត ប្រជែង ខាង យុទ្ធសាស្ត្រ ធ្វើជាលេស ហើយ ងាកមក ជំរុញ ឱ្យ ទំនាក់ ទំនង រវាង ចិន និង អាមេរិក ទទួលបានការអភិវឌ្ឍ ប្រកបដោយ ស្ថិរភាព ភាពរឹងមាំ និង និរន្តរ ភាព តាមរយៈ សកម្មភាព ជាក់ស្តែង វិញ ៕

ដោយ ៖ សិលា