ខេត្តមណ្ឌលគិរី÷ ក្រុមស្រាវជ្រាវរបស់យើងបានរៀបចំកិច្ចប្រជុំជាមួយសហគមន៍ដែលរងផលប៉ះពាល់នូវការប៉ះទង្គិចរវាងមនុស្ស និងដំរី ស្ថិតនៅភូមិកោះម្យើល លើ-ក្រោម ក្នុងស្រុកកោះញែក កាលពីថ្ងៃទី ២០ ខែមីនា ឆ្នាំ ២០២៥។ អ្នកចូលរួមក្នុងកិច្ចប្រជុំបានពិភាក្សាអំពីតួនាទី និងការទទួលខុសត្រូវរបស់ក្រុមអ្នកស្ម័គ្រចិត្ត ក៏ដូចជាសមាសភាពក្រុមដែលត្រូវទទួលជំនួយបច្ចេកទេស និងឧបករណ៍ចាំបាច់ ដើម្បីផ្តល់នូវការឆ្លើយតបចំពោះបញ្ហាដែលកើតឡើងរយៈពេលខ្លី។

តាមរយៈឧបរណ៍ទាំងនេះ សម្រាប់ការទំនាក់ទំនងជាមួយសហគមន៍អំពីការប៉ះទង្គិចរវាងមនុស្សនិងសត្វដំរី ក្រុមការងារអាចធ្វើការរាយការណ៍បានយ៉ាងឆាប់រហ័ស ដើម្បីកាត់បន្ថយហានិភ័យនៃការខូចខាតដំណាំដោយដំរី។

ការបង្កើតក្រុមការងារនាពេលនេះ គឺជាឱកាសមួយដើម្បីពង្រឹងការងារជាក្រុម និងការធ្វើផែនការរួមគ្នាជាមួយសហគមន៍ដែលរងផលប៉ះពាល់។ រួមគ្នា យើងទាំងអស់គ្នាអាចស្វែងយល់ និងសម្របខ្លួនទៅនឹងបរិបទនៃការប៉ះទង្គិចរវាងមនុស្ស និងសត្វដំរី៕