អន្តរជាតិ ៖ នារសៀលថ្ងៃទី៣០ ខែមីនា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ ពេលថ្មីៗ កន្លងទៅនេះ លោក Abdulrahman AL-FAGEEH នាយកប្រតិបត្តិ (CEO) នៃ ក្រុមហ៊ុន ឧស្សាហកម្មមូលដ្ឋាន របស់ អារ៉ាប៊ីសាអូឌីត (SABIC) បានថ្លែងនៅ ពេលផ្តល់ បទសម្ភាសន៍ជា លាយលក្ខណ៍អក្សរ របស់ អ្នកសារព័ត៌មានថា ចិនបន្ត ពូនជ្រំនិង អភិវឌ្ឍ កម្លាំង ផលិតកម្ម គុណភាពថ្មី ដែលបាន បង្ហាញពី ការយកចិត្តទុក ដាក់ខ្ពស់ចំពោះ ការច្នៃប្រឌិតថ្មី ។ ការច្នៃប្រឌិតថ្មី ក៏ជាចំណែក មួយដែលក្រុមហ៊ុន SABIC របស់ អារ៉ាប៊ីសាអូឌីត យកចិត្ត ទុកដាក់ខ្ពស់ ណាស់ដែរ យើងមាន កិត្តិយសណាស់ ដែលអាច ធ្វើជាសក្សី និងចូលរួម ដំណើរ អភិវឌ្ឍន៍របស់ចិន ដែលជំរុញ ដោយ ការច្នៃប្រឌិតថ្មី ។

គេហទំព័រ «CCFR China state-controlled media » លោក Abdulrahman AL-FAGEEH បានថ្លែងថា រដ្ឋាភិបាលចិន បន្តជំរុញ ការអាប់ដេតនៃ ឧស្សាហកម្មកម្មន្តសាល និងការរីកចម្រើន យ៉ាងឆាប់រហ័ស នៃឧស្សាហកម្ម ងើបឡើងថ្មី និន្នាការនេះ កំពុងជំរុញឱ្យ របរឧស្សាហកម្ម គីមីអភិវឌ្ឍ យ៉ាង ឆាប់រហ័សទៅកាន់ ទិសដៅ ភាពវៃឆ្លាត ភាពកម្រិតខ្ពស់ និងជានិរន្តរភាព ហើយក៏ បានបង្កើត កាលានុវត្តភាព រីកចម្រើន យ៉ាងខ្លាំង សម្រាប់ ក្រុមហ៊ុន SABIC របស់ អារ៉ាប៊ីសាអូឌីតដែរ ។ ការច្នៃប្រឌិតថ្មីនិង កិច្ចសហប្រតិបត្តិការ ជាកម្លាំងជំរុញ ជាស្នូល សម្រាប់ សម្រេចបាននូវ កំណើនជានិរន្តរភាព គ្មានអ្វីគួរ ឱ្យសង្ស័យ ឡើយ ទីផ្សារចិនគឺជា ចំណែកជា ស្នូលនៃការ បង្កើតរចនាសម្ព័ន្ធ ជាយុទ្ធសាស្ត្រ នៅ ទូទាំង ពិភពលោក របស់ យើង ៕

ដោយ ៖ សិលា