ខេត្តបន្ទាយមានជ័យៈ ពលរដ្ឋខ្មែររាប់ពាន់នាក់កំពុងសម្រុកមកស្រុកកំណេីតតាមច្រកទ្វារអន្តរជាតិប៉ោយប៉ែតនៅព្រឹកនេះខណះពិធីបុណ្យចូលឆ្នាំខិតចូលមកដល់ នៅព្រឹកថ្ងៃទី០២ ខែមេសា ឆ្នាំ២០២៤ នេះ។
ក្នុងនោះការិយាល័យទំនាក់ទំនងព្រំដែនកម្ពុជា-ថៃ ឯកឧត្តម ឧត្តមសេនីយ៍ទោ ពេជ្រ វណ្ណា នាយករងទីចាត់ការការងារព្រំដែន អគ្គបញ្ជាការ ប្រធានការិយាល័យទំនាក់ទំនងព្រំដែនកម្ពុជា-ថៃ បានដឹកនាំ កម្លាំងចំនួន ១២នាក់ ចូលរួមជាមួយស្ថាប័នពាក់ព័ន្ឋ ដើម្បីជួយសំរួលដល់ពលករខ្មែរត្រឡប់ចូលមកប្រទេសវិញ ក្នុងឱកាសបុណ្យចូលឆ្នាំថ្មី ប្រពៃណីជាតិខាងមុខ នៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ

លោកឧត្តមសេនីយ៍ទោ ពេជ្រ វណ្ណា  និងកម្លាំង មន្ត្រីច្រកទ្វារអន្តរជាតិប៉ោយប៉ែត បានចុះពិនិត្យសម្របសម្រួលដល់បងប្អូនប្រជាពលរដ្ឋចេញ ចូល សម្រាប់បងប្អូនពលករកម្ពុជាវិលត្រឡប់មកស្រុកកំណើត អំឡុងពេលពិធីបុណ្យចូលឆ្នាំថ្មី ប្រពៃណីជាតិជិតដល់ខាងមុខនេះ។ក្រោមការយកចិត្តទុកដាក់ដ៍ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួយសម្រួលឲ្យបងប្អូនពលករវិលត្រឡប់មកវិញតាមច្រកទ្វារអន្តរជាតិប៉ោយប៉ែត ដោយលើកលែងតម្លៃសេវា លិខិតឆ្លងដែន/លិខិតធ្វើដំណើរពលករកម្ពុជាទៅធ្វើការនៅបរទេស  និងមានទិដ្ឋាការងារ ដែលមានសុពលភាពក្រោយថ្ងៃទី១៥ ខែឧសភា ឆ្នាំ២០២៤។ជាមួយការសម្របសម្រួលនេះ ក្រុមការងារបានផ្តល់ជាកន្សែង១ នំប៉័ង១ដើម និងទឹកសុទ្ធ១ដប ជូនដល់ពលករឆ្លងដែនក្នុងថ្ងៃទី ២នេះដែលគិតត្រឹមម៉ោង១២:០០នាទី មានបងប្អូនចូលមកតាមច្រកទ្វាអន្តរជាតិប៉ោយប៉ែតប្រមាណ ជាង១០០០ នាក់តាមច្រកអន្តរជាតិប៉ោយប៉ែត៕នេះបេីតាមឲ្យដឹងពីមន្រ្តីនៅច្រកទ្វាអន្តរជាតិ ប៉ោយប៉ែត បានឲ្យដឹងថា ខុសប្លែកពីរាល់ឆ្នាំដែលប្រជាពលរដ្ឋខ្មែរធ្វេីការនៅប្រទេសថៃ វិលត្រលប់ចូលមកស្រុកកំណេីតនៅ ដេីមខែបែបនេះព្រោះជារាងរាល់ឆ្នាំ ទាល់តែ គៀកថ្ងៃចូលឆ្នាំទេីបសម្រុកមកតែឆ្នាំនេះខុសពីឆ្នាំរាល់ដង៕

ដោយ៖ វណ្ណា