ក្រោយ

បរាជ័យយ៉ាងខកចិត្តក្នុងលទ្ធផល 2-1

លោក Jose Mourinho អ្នកចាត់ការក្រុម Fenerbahceបាន​ទៅក្តិចច្រមុះ​លោក Okan Buruk គ្រូបង្វឹក Galatasaraធ្វើឱ្យមានការភ្ញាក់ផ្អើលពេញទីលានប្រកួត។

 

ក្រុមរបស់លោក Mourinho បានរងបរាជ័យយ៉ាងខកបំណងក្នុងលទ្ធផល 2-1 ក្នុងទឹកដីរបស់ខ្លួនក្នុងវគ្គ 1/4 ផ្តាច់ព្រ័ត្រនៃពានរង្វាន់ទួរគី Cup។

ការប្រកួតនេះត្រូវបានបញ្ចប់ដោយភាពច្របូកច្របល់ ដែលបង្កឡើងដោយលោក Mourinho ហើយក៏មានកីឡាករបីនាក់ត្រូវបានបណ្តេញចេញគឺ Mert Yandas របស់ Fenerbahce និង Kerem Demirbay

និង Baris Yilmaz របស់ Galatasaray។
ក្រោយចប់ការប្រកួត

គ្រូ​បង្វឹក​សញ្ជាតិ​ព័រទុយហ្គាល់​Mourinhoពិតជា​មិន​សប្បាយ​ចិត្ត ហើយ​ត្រូវ​បាន​គេ​មើល​ឃើញ​ថាបានដើរទៅក្តិចច្រមុះសម​ភាគី​របស់​គាត់។ លោកBuruk បានដួលបន្ទាប់ពីឧបទ្ទវហេតុនេះ ខណៈដែលកីឡាករមកពីភាគីទាំងសងខាងបានប្រញាប់ប្រញាល់ចូល ស្របពេលដែលគ្រូបង្វឹករបស់ Galatasaray បានទុកដៃបិទច្រមុះ និងមុខរបស់គាត់។

ចំណែក

Mourinho ត្រូវបានចាប់ចេញពីកន្លែងកើតហេតុជាបន្តបន្ទាប់ដោយសមាជិកនៃបុគ្គលិកគ្រូបង្វឹករបស់គាត់។ អតីតគ្រូបង្វឹក Chelsea, Man United និង Tottenham បានរួចផុតពីការដាក់ទណ្ឌកម្មនៅយប់នោះ។

 

វាមិនមែនជាលើកទីមួយទេ ដែលលោក Mourinho ពាក់ព័ន្ធនឹងការប៉ះទង្គិចរាងកាយជាមួយគ្រូបង្វឹកដែលជាគូរប្រកួតរបស់ខ្លួន។ គាត់​បាន​បង្ក​ការ​ខឹងសម្បារ​ក្នុង​ប្រទេស​អេ​ស្ប៉ា​ញ​ក្នុង​ឆ្នាំ 2011 ពេល​គាត់​បានប៉ះគ្នាជាមួយជំនួយការ​របស់ Barcelona លោក Tito Vilanova ក្នុងអំឡុងពេល​ដែល​គាត់​ធ្វើ​ជា​គ្រូបង្វឹក Real Madrid ។