ភ្នំពេញ ៖ អ្នកជំនាញអក្សរសិល្ប៍នៅកម្ពុជាចាត់ទុក «បុណ្យឆេងម៉េង» នៅតែចាំបាច់ សម្រាប់ប្រជាជនខ្មែរ ព្រោះអ្នកកាត់សែស្រឡាយ តែងតែរៀបចំពិធីបុណ្យប្រពៃណីរបស់ចិនមួយនេះ ជារៀងរាល់ឆ្នាំ។

ចុងខែមីនា ឬ ដើមខែមេសានេះ ប្រជាជនខ្មែរតែងតែរៀបចំពិធីបុណ្យឆេងម៉េង នៅតាមបណ្តាខេត្ត ដែលមានផ្នូរដូនតា ដើម្បីនឹករឭក និងការបួងសួង សូមឱ្យវិញ្ញាណក្ខន្ធអ្នកចែកឋានបានទៅកាន់ឋានបរមសុខ និងជួយថែរក្សាសាច់ញាតិ ដែលនៅរស់រានមានជីវិតឱ្យមាន សេចក្តីសុខសេចក្តីចម្រើន ហើយក៏មានការជួបជុំ ទទួលទានអាហារជុំគ្នា ផងដែរ។

ជុំវិញបុណ្យឆេងម៉េងនេះដែរ លោកស្រីបណ្ឌិត ជា វណ្ណី ជាបណ្ឌិតជំនាញអក្សរសិល្ប៍ និង ជាប្រធាននាយកដ្ឋានធម្មសាស្រ្ត ចរិយាសាស្រ្ត និងយេនឌ័រ នៃវិទ្យាស្ថានមនុស្សសាស្រ្ត និងវិទ្យាសាស្រ្តសង្គម នៃរាជបណ្ឌិត្យសភាកម្ពុជា បា្រប់ថា «ពិធីបុណ្យឆេងម៉េង នៅតែចាំបាច់ សម្រាប់ប្រជាជនខ្មែរ ព្រោះពួកគាត់ស្គាល់ច្បាស់ តាមរយៈការរៀបចំសកម្មភាពក្នុងថ្ងៃបុណ្យ គេតែងតែរៀបចំសែនកុងម៉ានៅផ្ទះ និងសែននៅផ្នូររបស់ដូនតា តាមបណ្តាខេត្ត អាចនិយាយម្យ៉ាងទៀតថា សកម្មភាពនេះ បង្ហាញពីការដឹងគុណ ចំពោះអ្នកមានគុណ បុព្វការីជន ការកាត់កតញ្ញូនេះ បន្តពីមួយជំនាន់ ទៅមួយជំនាន់ ហើយជាការបន្តវេនផ្នែកវប្បធម៌ សែនព្រែន…»៕

ប្រភព ៖ «CCFR China state-controlled media »