ភ្នំពេញ÷ កម្លាំងនគរបាយនៃអធិការដ្ឋាននគរបាលខណ្ឌ ទួលគោកឃាត់ខ្លួនបុរសម្នាក់ដែលធាក់បំបាក់ក ម៉ូតូដើម្បីលួច ប៉ុន្តែមិនបានសម្រេច។ បច្ចុប្បន្នជនសង្ស័យកំពុងឃុំខ្លួន នៅអធិការដ្ឋាននគរបាលខណ្ឌទួលគោកដើម្បីកសាងសំណុំរឿងចាត់ការតាមនីតិវិធី។

មន្ត្រីនគរបាលខណ្ឌទួលគោកឲ្យដឹងថា កម្លាំងមាន សមត្ថកិច្ចបានឃាត់ខ្លួនជនសង្ស័យ០១នាក់ពីបទលួចមានស្ថានទម្ងន់ទោស(ប្រេីជើងធាក់បំបាក់កម៉ូតូដើម្បីលួច)កើតហេតុនៅក្នុងមូលដ្ឋានសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។

ប្រភពខាងលើបានឲ្យដឹងថា នៅថ្ងៃទី០៣ ខែមេសា ឆ្មាំ២០២៥ វេលាម៉ោងប្រហែល២២និង៥០នាទីយប់ កម្លាំងប៉ុស្តិ៍នគរបាលរដ្ឋបាលផ្សារដេប៉ូទី៣ បានឃាត់ ខ្លួនជនសង្ស័យ១នាក់ពីបទលួច មានស្ថានទម្ងន់ទោសដោយប្រេីជើងធាក់បំបាក់កម៉ូតូដើម្បីលួច ដែលកម្លាំងមានសមត្ថកិច្ចឃាត់ខ្លួននៅចំណុចមុខផ្ទះលេខ ៤៤៧ E0 សង្កាត់ផ្សារដេប៉ូទី៣ ខណ្ឌទួលគោក  ។

មន្ត្រីនគរបាលខណ្ឌទួលគោកបានឲ្យដឹងថាជនសង្ស័យឈ្មោះ ពៅ បញ្ញា ភេទប្រុស អាយុ ៣០ឆ្នាំ ជនជាតិខ្មែរ មុខរបរ មិនពិតប្រាកដនិងកន្លែងស្នាក់នៅមិនពិត ប្រាកដ ។ វត្ថុតាងចាប់យករួមមាន៖ ម៉ូតូ១គ្រឿងម៉ាក HONDA CLICK C125 ពណ៏ស ពាក់ស្លាកលេខបាត់ដំបង1AK.8807 ដែលមានលេខតួ និងម៉ាសុីន 8052500(ជារបស់ជនរងគ្រោៈដែលជនសង្ស័យរូបនោះលួចយក)។

ជនរងគ្រោះឈ្មោះ ឡាំ គឹមហេង ភេទប្រុស អាយុ២៩ ឆ្នាំ ជនជាតិខ្មែរ មុខរបរ បើកបររថយន្តស្នាក់នៅផ្ទះ លេខ៤៤៧E1 ផ្លូវលេខ១២៨ ភូមិ៨ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។

បច្ចុប្បន្នជនសង្ស័យខាងលើកំពុងឃាត់ខ្លួនជាបណ្ដោះ អាសន្ននៅ អធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការបន្តតាមនីតិវិធី៕