អន្តរជាតិ ៖ លោកប្រធានាធិបតីអាម៉េរិក ដូណាល់ ត្រាំ បានដាក់ពន្ធលើដែនកោះដែលជាជម្រករបស់សត្វផេនហ្វីន Falkland ចំនួន ៤១ភាគរយ។ នេះបើយោងតាមតារាងពន្ធគយទៅវិញទៅមក ។

ប្រជុំកោះ Falkland ជាជម្រករបស់សត្វ ផេនហ្វីន ប្រមាណ ១លានក្បាល។ ប្រជុំកោះដែលមានមនុស្សរស់នៅប្រមាណ ៣ ២០០នាក់នេះ ស្ថិតក្រោមការគ្រប់គ្រងរបស់អង់គ្លេស។

ចំណែក ដែនកោះ Heard និង McDonald ដែលគ្មានមនុស្សរស់នៅ ក្រៅពីសត្វផេនឃ្វីន បានរងពន្ធ ១០ភាគរយផងដែរ។
សូមបញ្ជាក់ថា ៖ ជាទូទៅ គេឃើញសតផេនឃ្វីនរស់នៅតែតំបន់មានទឹកកក និងមានព្រិល។ តាមពិតទៅ ពួកវាក៏អាចរស់នៅតាមតំបន់ផ្សេងៗដែរ។ ជាក់ស្ដែង តំបន់ព្រៃនៃប្រទេសញូវហ្សេឡែន គឺជាជម្រកឋានសួគ៌របស់សត្វភេនឃ្វីនចំនួន ៦០.០០០ ក្បាល ព្រោះតំបន់នេះគ្មានការយាយីពីពពួកមំសាសីផ្សេងៗ។
ប៉ុន្ដែ ភក់គឺជាបញ្ហាប្រឈមចម្បង ព្រោះថាស្លាបរបស់វាប្រើសម្រាប់ការពារទឹក និងរក្សាកម្ដៅ ដូច្នេះបើស្លាបប្រឡាក់ភក់ វាអាចបង្កគ្រោះថ្នាក់ដល់ជីវិត។ ហេតុនេះហើយទើបផេនឃ្វីនមានទម្លាប់ងូតទឹកសម្អាតខ្លួន នៅតាមទន្លេ និង លាបរោមរបស់វាជាមួយនឹងក្រមួន ដែលអាចការពារជម្រាបទឹក និងបាក់តេរីជារៀងរាល់ថ្ងៃ ៕

ដោយ ៖ សិលា