ក្រុមព្យាករណ៍ខ្យល់ព្យុះរបស់សាកលវិទ្យាល័យ Colorado State ព្យាករណ៍ថារដូវកាលខ្យល់ព្យុះ 2025 នឹងមានភាពខ្លាំងក្លាមួយ។ អ្នកព្យាករណ៍នៅសាកលវិទ្យាល័យ Colorado State University’s Tropical Storm, Radar, Atmospheric Modeling and Software group បានប៉ាន់ប្រមាណថាព្យុះដែលមានឈ្មោះ ចំនួន 17 រួមទាំងខ្យល់ព្យុះ៩ និងខ្យល់ព្យុះធំៗចំនួន 4 នឹងកើតឡើងនៅរដូវកាលនេះ។

ព្យុះទាំងបួននេះត្រូវបានគេព្យាករណ៍ថានឹងខ្លាំងបំផុតនៃរដូវកាលខ្យល់ព្យុះសង្ឃរាឆ្នាំ 2025 ដែលមានន័យថាវានឹងជាព្យុះសង្ឃរាប្រភេទ 3, 4 ឬ 5 នៅលើមាត្រដ្ឋានខ្យល់ព្យុះ Saffir-Simpson ។ ខ្យល់ព្យុះប្រភេទទី 3 គឺជាព្យុះដែលមានកម្លាំងខ្យល់បក់ពី 110 ទៅ 130 ម៉ាយក្នុងមួយម៉ោង ដែលគ្រប់គ្រាន់ដើម្បីបង្កការខូចខាតយ៉ាងធ្ងន់ធ្ងរ។
ខ្យល់ព្យុះប្រភេទទី 4 មានកម្លាំងខ្យល់បក់ពី 210 គីឡូម៉ែត្រក្នុងមួយម៉ោងទៅ 250 គីឡូម៉ែត្រក្នុងមួយម៉ោង ហើយព្យុះសង្ឃរាប្រភេទទី 5 ដ៏មហន្តរាយបំផុតអាចមានខ្យល់បក់ពី 252 គីឡូម៉ែត្រក្នុងមួយម៉ោង ឬខ្ពស់ជាងនេះ។
ការព្យាករណ៍រដូវព្យុះសង្ឃរាដំបូងរបស់សាកលវិទ្យាល័យ Colorado State ចេញផ្សាយនៅថ្ងៃទី ៤ ខែមេសា បាននិយាយថា សកម្មភាពព្យុះសង្ឃរានៅឆ្នាំនេះត្រូវបានគេរំពឹងថានឹងមានប្រហែល 125% ខ្ពស់ជាងមធ្យមភាគនៃរដូវព្យុះសង្ឃរាឆ្នាំ 1991-2020 ។ អ្នកនិពន្ធម្នាក់ក្នុងចំណោមអ្នកនិពន្ធនៃការសិក្សាគឺ Levi Silvers បានប្រាប់ CBS News ថានេះគឺជាការកើនឡើងគួរឱ្យកត់សម្គាល់ប៉ុន្តែទាបជាងការព្យាករណ៍សកម្មភាពឆ្នាំ 2024 ដែលមានប្រហែល 130% ។
សីតុណ្ហភាពផ្ទៃសមុទ្រក្តៅគឺជាកត្តាសំខាន់ក្នុងការព្យាករខ្យល់ព្យុះសង្ឃរាលើសមធ្យមក្នុងឆ្នាំនេះ។
ការព្យាករណ៍របស់អ្នកស្រាវជ្រាវទទួលស្គាល់ថានៅតែមាន “ភាពមិនប្រាកដប្រជា” អំពីដំណាក់កាលនៃវដ្ត El Nino-Southern Oscillation ឬ ENSO ។
បច្ចុប្បន្ននេះ La Nina ខ្សោយមានវត្តមាននៅក្នុងតំបន់ត្រូពិចប៉ាស៊ីហ្វិកនេះ ប៉ុន្តែក្រុមអ្នកស្រាវជ្រាវនៅសាកលវិទ្យាល័យ Colorado State បានព្យាករណ៍ថាលក្ខខណ្ឌ ENSO អព្យាក្រឹតនឹងអាចកើតមាននៅក្នុងប៉ុន្មានខែខាងមុខនេះ។ អវត្ដមាននៃ El Nino ដែលត្រូវបានផ្សារភ្ជាប់ជាមួយនឹងលក្ខខណ្ឌមិនអំណោយផលសម្រាប់សកម្មភាពខ្យល់ព្យុះទំនងជាមានន័យថាជារដូវព្យុះសង្ឃរាកាន់តែខ្លាំង។
រដូវខ្យល់ព្យុះអាត្លង់ទិកចាប់ផ្តើមនៅថ្ងៃទី 1 ខែមិថុនា និងបញ្ចប់នៅថ្ងៃទី 30 ខែវិច្ឆិកា។ យោងតាមរដ្ឋបាលមហាសមុទ្រ និងបរិយាកាសជាតិអាមេរិក (NOAA) អ្នកវិទ្យាសាស្ត្រកំណត់ពេលវេលានេះថាជាកម្រិតកំពូលនៃសកម្មភាពខ្យល់ព្យុះនៅអាត្លង់ទិក។
បញ្ជីឈ្មោះព្យុះសម្រាប់រដូវនីមួយៗត្រូវបានកំណត់ទុកជាមុន។ សម្រាប់រដូវកាលព្យុះសង្ឃរាឆ្នាំ 2025 ព្យុះទីមួយនៃឆ្នាំគឺ Andrea បន្ទាប់មកគឺ Barry, Chantal, Dexter, Erin, Ferdinand, Gabrielle និងបញ្ចប់ដោយ Wendy ។
ប្រសិនបើព្យុះត្រូពិចបន្ថែមទៀតនៅតែមានបន្ទាប់ពីឈ្មោះ 21 នៅលើបញ្ជីឈ្មោះរដូវកាលខ្យល់ព្យុះអាត្លង់ទិកឆ្នាំ 2025 ត្រូវបានគេប្រើប្រាស់ នោះនឹងមានបញ្ជីបន្ថែមដែលមានឈ្មោះ 21 ផ្សេងទៀត៕

រូបថត​: xinhua