ខេត្តត្បូងឃ្មុំ ៖ អ្នកភូមិប្រទះឃើញយុវជនម្នាក់ដេកស្លាប់ក្នុងថ្លុកឈាមបង្កឲ្យមានការភ្ញាក់ផ្អើល នៅចំណុចភូមិត្រពាំងផ្លុងទី២ ឃុំត្រពាំងផ្លុងស្រុកពញាក្រែក។ ជាមួយនោះត្រូវបានកម្លាំងនគរបាលការិយាល័យបច្ចេកទេសវិទ្យាសាស្ត្រ នៃស្នងការដ្ឋាននគរបាលខេត្តត្បូងឃ្មុំសហការជាមួយមន្ត្រីជំនាញចុះកោសល្យវិច្ច័យទើបដឹងថា ជាករណីឃាតកម្ម គិតរហូតមកដល់រសៀលថ្ងៃទី៧ខែមេសា នេះសមត្ថកិច្ចនៅមិនទាន់បំបែកសំណុំរឿងចាប់ជនសង្ស័យណាម្នាក់បាននៅឡើយទេ។
សមត្ថកិច្ចមូលដ្ឋានប្រាប់ឲ្យដឹងថា ករណីឃាតកម្ម មានស្នាមរបួសត្រង់ក្បាលផ្នែកខាងឆ្វេងបណ្ដាលឲ្យស្លាប់នៅកន្លែងកើតហេតុតែម្តង។ ក៊កម្លាំងនគរបាលនៃអធិការដ្ឋាននគបាលស្រុកពញាក្រែក សហការជាមួយកម្លាំងប៉ុស្តិ៍នគរបាលរដ្ឋបាលត្រពាំងផ្លុង មិនទាន់ស្គាល់អត្តសញ្ញាណជនល្មើសទេ តែសង្ស័យមានគ្នាប្រហែល៣ទៅ៤នាក់។ ចំពោះមូលហេតុនៃការស្លាប់នេះគេមិនទាន់ដឹងថាតើបណ្ដាលមកពីអ្វីពិតប្រាកដ។
សមត្ថកិច្ចមូលដ្ឋានបន្តឲ្យដឹងទៀតថា ជនរងគ្រោះ ចំនួន០១នាក់មិនទាន់ស្គាល់អត្តសញ្ញាណ មានស្នាមរបួសក្បាលផ្នែកខាងឆ្វេង ស្លៀកខោខូប៊យពណ័ខៀវពាក់អាវសាច់ក្រណាត់ដៃខ្លីផ្កាពណ៌ប្រផេះមានកំពស់១.៧០ម. សម្បុរស្រអែម។
តាមប្រភពដដែលបានបន្តថា នៅថ្ងៃទី០៦ ខែមីនា ឆ្នាំ២០២៥ វេលាម៉ោងប្រហែល០៦និង៥០នាទីព្រឹក ប៉ុស្ដិ៍រដ្ឋបាលត្រពាំងផ្លុងបានទទួល ពត៌មានពីលោកមេភូមិត្រពាំងផ្លុង២ ថាមានពលរដ្ឋប្រទះឃើញសាកសព មនុស្សប្រុស១នាក់ ស្លាប់នៅលើផ្លូវលំក្រាលគ្រួល ក្រហមចំណុចស្ពានអន្លង់ផ្លុងស្ថិតនៅភូមិត្រពាំងផ្លុង២ ឃុំត្រពាំងផ្លុងស្រុកពញាក្រែក ខេត្តត្បូងឃ្មុំ។
ក្រោយពីទទួលបានពត៌មាន ភ្លាមកម្លាំងនៃអធិការដ្ឋាន នគរបាលស្រុកពញាក្រែក សហការជាមួយកម្លាំងជំនាញ ការិយាល័យបច្ចេកទេសវិទ្យាសាស្ត្រ នៃស្នងការដ្ឋាននគរបាលខេត្តត្បូងឃ្មុំ និងគ្រូពេទ្យផ្នែកកោសល្យ វិច័យនៃមន្ទីរពេទ្យបង្អែកស្រុកពញាក្រែក ចុះទៅដល់កន្លែងកើតហេតុធ្វើការស្រាវជ្រាវ ។
តាមប្រភពចុងក្រោយឱ្យដឹងថា អ្នករងគ្រោះដែលស្លាប់នោះឈ្មោះរៀមដាវីត ភេទប្រុស អាយុ២១ឆ្នាំ រស់នៅភូមិបឹងក្រសាល ឃុំស្នឹង ស្រុកបាណន់ខេត្តបាត់ដំបង ត្រូវបានសាច់ញាតិមកទទួលយកនៅយប់ថ្ងៃទី៦មេសា ទៅធ្វើបុណ្យតាមប្រពៃណីនៅស្រុកកំណើត។
ករណីអំពើឃាតកម្មនេះសមត្ថកិច្ចកំពុងបន្តនីតិវិធីស្រាវ ជ្រាវដើម្បីវែកមុខក្រុមឃាតករមកផ្ដន្ទាទោសតាមច្បាប់ ៕
