ភ្នំពេញ៖ គួរឲ្យសង្វែគស្ដ្រីម្នាក់ដែលគេស្គាល់ថាជាជនអនាថាដែលតែងតែដើរតាមផ្លូវបានសម្រាលកូនលើតូបមួយតាមផ្លូវសាធារណៈ មុខរោងចក្រ៦ជាន់ត្រូវបានប្រជាពលរដ្ឋជួយសង្គ្រោះទាន់។

ហេតុការណ៍គួរឲ្យភ្ញាក់ផ្អើលនេះបានកើតឡើងនៅវេលាម៉ោង៥ និង៣០នាទីល្ងាច ថ្ងៃទី២៣ ខែសីហា ឆ្នាំ២០១៦នេះ នៅមុខរោងចក្រ៦ជាន់ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។

តាមសម្ដីប្រជាពលរដ្ឋបានឲ្យដឹងថា ស្ត្រីខាងលើជាស្ត្រីជនអនាថា ដើរតាមផ្លូវគ្មានទីពឹងខណៈមកដល់ចំណុចមុខរោងចក្រ៦ជាន់ក៏បានឈឺពោះសម្រាលកូនភ្លាមៗនោះត្រូវបានប្រជាពលរដ្ឋ និងក្រុមសង្គ្រោះបន្ទាប់ របស់កងពលតូចលេខ៧០ បានធ្វើការជួយសង្គ្រោះទាន់ពេលវេលា ដោយដឹកយកទៅមន្ទីរពេទ្យ។

ក្រោយពីស្ត្រីខាងលើត្រូវបានសង្គ្រោះពីក្រុមគ្រូពេទ្យ ហើយទាំងម្តាយនិងកូនមានសុវត្ថិភាពនិងសុខភាពល្អ៕

ដោយ៖ សុខាសែនជ័យ