រាជធានីភ្នំពេញ ៖ ចាប់ខ្លួន បុរសម្នាក់ ក្រោយ ធ្វើសកម្មភាព ទាញកាំបិតចិតធុរេន ដេញចាក់ពលរដ្ឋដើរតាមផ្លូវបណ្តាលអោយ របួសសើរស្បែកម្នាក់ ។
ហេុការណ៍នេះបានកើតឡើងកាលពីវេលាម៉ោង ០២ នឹង ២០នាទីរសៀលថ្ងៃទី ២៦ ខែមេសា ឆ្នាំ២០២៥ នៅចំណុចអគារបុរីកីឡា ( អគារទី ០៣ ) តាមបណ្តោយផ្លូវលេខ ២១១ ដែលស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
តាមប្រភពព័ត៍មានពីប្រជាពលរដ្ឋបានអោយដឹងថា មុនកើតហេតុ គេឃើញបុរសដែលគេសង្ស័យមានសតិមិនគ្រប់ ដៃមានកាន់កាំបិទចុងស្រួច បានដើរបបួលពលរដ្ឋជិតនោះ ចាក់គ្នា ។ ស្រាប់តែមួយសន្ទុះក្រោយមក បុរសរូបនោះ បានដេញចាក់ទៅលើពលរដ្ឋម្នាក់ ដែលកំពុងដើរតាមផ្លូវ តែសំណាងល្អគ្រាន់តែរបួសសើរស្បែក ។ ស្របពេលនោះក៏មាន ពលរដ្ឋបានរត់ស្ទុះទៅជួយ នឹង បន្តរាយការណ៍ជូនសមត្ថកិច្ច ដើម្បីចុះមកអន្តរាគមន៍ផងដែរ ។
បន្ទាប់ពីទទួលដំណឹង ថាមានករណីចាក់នេះ ភ្លាមៗ លោក ជុន ប៊ុនណាត អធិការខណ្ឌ៧មករា បានបញ្ជារអោយលោក អ៊ុន ភារម្យ នាយប៉ុស្តិ៍វាលវង់ ដឹកនាំកម្លាំងចុះដល់ទីតាំងកើតហេតុ ដើម្បីបង្រ្កាបចាប់ខ្លួន អោយខានតែបាន ។
ជាក់ស្តែង កម្លាំងជំនាញបានធ្វើសាកសួរ ជនសង្ស័យខាងលើ បានអោយដឹងថា ជនសង្ស័យធ្លាប់ជាប់ពន្ធធានាគារចំនួន០៥ឆ្នាំ ហើយទើបតែចេញនោះទេ ។ ក្នុងនោះដកហូតបានវត្ថុតាង កាំបិតចិតធុរេន មុខស្រួចចំនួន០១ដើម , ដែកកាប់ចំនួន០១ នឹង កាតាបចំនួន០១ផងដែរ ។
បច្ចុប្បន្ន ជនសង្ស័យខាងលើ ត្រូវបាននគរបាលប៉ុស្តិ៍វាលវង់ កំពុងសាកសួរ ដើម្បីកសាងសំណុំរឿងបញ្ជូនទៅតុលាការ ៕