Melinda French Gates និយាយថាលោកស្រី សប្បាយចិត្តណាស់ នៅក្នុងទំនាក់ទំនងថ្មី 4 ឆ្នាំបន្ទាប់ពីលែងលះជាមួយសហស្ថាបនិក Microsoft លោក Bill Gates ប៉ុន្តែលោកស្រីមិនបង្ហាញអត្តសញ្ញាណដៃគូថ្មីរបស់នាងឡើយ។

នៅក្នុងបទសម្ភាសន៍ជាមួយជាមួយកម្មវិធី People លោកស្រីក៏ត្រូវបានសួរថាលោកស្រីកំពុងតែមានទំនាក់ទំនងស្នេហាជាមួយអ្នកថ្មី លោកស្រីឆ្លើយថាវាជាការពិត។លោកស្រីបញ្ជាក់​ទាំង​ញញឹម​ថាគាត់កំពុង​តែ​មាន​ស្នេហាហើយងបន្ថែម​ថា «សប្បាយ​ចិត្ត​ខ្លាំង​ណាស់»។ ទោះ​ជា​យ៉ាង​ណា Melinda បាន​បដិសេធ​មិន​ចែក​រំលែក​ព័ត៌មាន​លម្អិត​បន្ថែម​ទៀត​អំពី​ដៃគូ​ថ្មី​ររបស់លោកស្រី។

ការអត្ថាធិប្បាយរបស់លោកស្រីបានកើតឡើងប្រាំខែបន្ទាប់ពីគាត់ត្រូវបានគេថតរូបកាន់ដៃជាមួយសហគ្រិនបច្ចេកវិទ្យា Philip Vaughn អាយុ 48 ឆ្នាំនៅទីក្រុងញូវយ៉ក។ Vaughn ត្រូវបានចុះបញ្ជីនៅលើ LinkedIn ក្នុងនាមជាស្ថាបនិក និងជាប្រធានក្រុមហ៊ុនចែកចាយស្រាបៀរសិប្បកម្ម Tavour ហើយពីមុនធ្លាប់ធ្វើការនៅ Microsoft ចន្លោះឆ្នាំ 1999 និង 2008។ Melinda ក៏បានធ្វើការនៅ Microsoft ប៉ុន្តែបានចាកចេញមុនពេលកើតកូនដំបូងរបស់គាត់នៅឆ្នាំ 1996។ បន្ទាប់ពីការលែងលះ លោកស្រីបានភ្ជាប់ទំនាក់ទំនងយ៉ាងខ្លីជាមួយអតីតអ្នកឆ្លើយឆ្លងព័ត៌មាន Fox News គឺ Jon Dusp24 ។

លោកស្រីMelindaក៏បានបន្តថាលោកស្រីនៅតែបើកបេះដូងសម្រាប់អាពាហ៍ពិពាហ៍ម្តងទៀត ប្រសិនបើបានជួបមនុស្សត្រឹមត្រូវ និងចំពេលវេលាត្រឹមត្រូវ។ទន្ទឹមនឹងនេះដែរ លោក Bill Gates អាយុ 69 ឆ្នាំកំពុងមានទំនាក់ទំនងស្នេហាជាមួយ Paula Hurd អាយុ 63 ឆ្នាំដែលជាស្ត្រីមេម៉ាយរបស់អតីតនាយកប្រតិបត្តិ Oracle លោក Mark Hurd ។

Bill និង Melinda បានលែងលះជាផ្លូវការនៅខែសីហា ឆ្នាំ 2021 បន្ទាប់ពីរៀបការបាន 27 ឆ្នាំ។ ពួកគេមានកូនបីនាក់៖ Jennifer Gates Nassar អាយុ 28 ឆ្នាំ Rory Gates អាយុ 25 ឆ្នាំ និង Phoebe Gates អាយុ 22 ឆ្នាំ។ កាលពីខែមករា លោក Bill បាននិយាយប្រាប់ កាសែត The Times ថា រ៊ការលែងលះនេះថាជា “កំហុសដែលខ្ញុំសោកស្តាយបំផុត”។