សមាជិកសភាកូរ៉េខាងត្បូងម្នាក់បាននិយាយថា ទាហានកូរ៉េខាងជើងប្រហែល 600 នាក់ដែលកំពុងប្រយុទ្ធជាមួយរុស្ស៊ីប្រឆាំងនឹងអ៊ុយក្រែនត្រូវបានសម្លាប់និងរាប់ពាន់នាក់ទៀតបានរងរបួស។ ព័ត៌មាននេះត្រូវបានបញ្ចេញបន្ទាប់ពីកូរ៉េខាងជើងបានបញ្ជាក់ជាផ្លូវការអំពីការដាក់ពង្រាយទ័ពរបស់ខ្លួនដើម្បីគាំទ្ររុស្ស៊ីក្នុងខេត្ត Kursk។

សមាជិកសភា Lee Seong-kweun សមាជិកនៃគណៈកម្មាធិការស៊ើបការណ៍សម្ងាត់នៃរដ្ឋសភាកូរ៉េខាងត្បូង បានប្រាប់អ្នកយកព័ត៌មានបន្ទាប់ពីសន្និសីទសារព័ត៌មានមួយដោយទីភ្នាក់ងារចារកម្មរបស់ប្រទេសថា “រហូតមកដល់ពេលនេះការស្លាប់របស់ទាហានកូរ៉េខាងជើងត្រូវបានគេប៉ាន់ស្មានថាមានប្រហែល 4,700 នាក់ក្នុងនោះមានទាហានប្រហែល 600 នាក់ត្រូវបានសម្លាប់” ។
កូរ៉េខាងជើងបានបញ្ជាក់ជាលើកដំបូងកាលពីថ្ងៃទី២៨ ខែមេសាថា ខ្លួនបានពង្រាយទ័ពទៅកាន់រុស្ស៊ី។ នៅក្នុងនោះ ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍ថា ទាហានក្រុងព្យុងយ៉ាងបានជួយក្រុងម៉ូស្គូក្នុងការដណ្តើមយកតំបន់ Kursk របស់រុស្ស៊ី ដែលត្រូវបានឈ្លានពានដោយអ៊ុយក្រែនមកវិញ។
ទីក្រុងមូ៉ស្គូក៏បានបញ្ជាក់ពីការចូលរួមរបស់កងទ័ពកូរ៉េខាងជើងបន្ទាប់ពីការស្ងប់ស្ងាត់ជាផ្លូវការជាច្រើនខែពីប្រទេសទាំងពីរ សូម្បីតែទីក្រុងសេអ៊ូល និងវ៉ាស៊ីនតោនបានចោទប្រកាន់ទីក្រុងព្យុងយ៉ាងថា បានបញ្ជូនកងទ័ពបន្ថែម និងអាវុធទៅគាំទ្ររុស្ស៊ីក៏ដោយ។
លោក Lee បាននិយាយថា “កូរ៉េខាងជើងបានគាំទ្ររុស្ស៊ីក្នុងការដណ្តើមយកតំបន់ Kursk មកវិញដោយការដាក់ពង្រាយទាហាន 18,000 នាក់ជាពីរដំណាក់កាល” លោក Lee បាននិយាយថា ចំនួននៃការប៉ះទង្គិចគ្នានៅក្នុងតំបន់នេះបានថយចុះចាប់តាំងពីប្រហែលខែមីនា៕ ដោយធីរីណា

រូបថត​: Tass