ភ្នំពេញ៖ បុរសស្រវឹងជិម៉ូតូលឿនឡើងស្ពានអាកាសចោមចៅជ្រុលបុកបង្កាន់ដៃស្ពានបណ្តាលឲ្យដួលរងរបួសបែកមុខមាត់។
ហេតុការណ៍នេះបានកេីតឡេីងកាលពីវេលាម៉ោង១៩និង៣៤នាទីយប់ ថ្ងៃទី០៤ ខែឧសភា ឆ្នាំ២០២៥ នៅលេីស្ពានអាកាសចោមចៅ ភូមិព្រៃព្រីងខាងត្បូង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ ដូន ណែត ភេទប្រុស អាយុ២៥ឆ្នាំ រងរបួសផ្ទៃមុខខាងឆ្វេង មានទីលំនៅរស់នៅ ស្រុកបាភ្នំ ខេត្តព្រៃវែង ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម្នាក់ឯងធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីងឡើងស្ពានអាកាសចោមចៅខណៈដល់ពាក់កណ្តាលស្ពានក៏ជ្រុលបុកបង្កាន់ដៃស្ពានបណ្តាលឲ្យរងរបួសបែកមុខមាត់។
ក្រោយកេីតហេតុក្រុមសង្គោះ របស់អង្គភាព៧១១ កងពលតូចលេខ៧០ ទៅដល់ ពិនិត្យជាក់ស្តែង មានរបួសស្រាលហេីយបានជូតលាងរបួសឱ្យគាត់រួចរាល់ គាត់សុំទៅផ្ទះដោយខ្លួនឯង៕
...