ភ្នំពេញៈ រថយន្តតាក់ស៊ីមួយគ្រឿងខណៈអ្នកបេីកបរងងុយដេកក៏ជ្រុលចង្កូតទៅបុកនិងឡាំប្រឺតាដែលចតអែបចិញ្ចើមផ្លូវរងការខូចខាតចំនួន២គ្រឿង រថយន្តបង្កបេីករត់ត្រូវប្រជាពលរដ្ឋឃាត់តាមឃាត់បាន ។
ហេតុការណ៍នេះបានកេីតឡេីងនៅវេលាម៉ោង១១និង៤០នាទីយប់ថ្ងៃទី៦ខែឧសភាឆ្នាំ២០២៥ទល់មុខអាគារព្រីនផ្លាហ្សា ផ្លូវព្រះនរោត្ដម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់វ័យប្រហែល៥០ឆ្នាំ បានបេីករថយន្តប្រេីប្រាស់ថាមពលអគ្គិសនី របស់ក្រុមហ៊ុនដឹកជញ្ជូន wownow ពណ៌កាំម៉ៃ ពាក់ស្លាកលេខ ភ្នំពេញ 2CB 2551 បានបេីក ធ្វើ ដំណើរតាម បណ្តោយ ផ្លូវ ព្រះនរោត្ដមទិសដៅពីត្បូងទៅជេីង លុះមកចំនុចកេីតហេតុ ក៏ស្រាប់តែរេចង្កូតទៅខាងស្តាំដៃ ជ្រុលទៅបុុកនិងឡាំប្រឺតាដែលចតអែបចិញ្ចើមផ្លូវរុញផ្ទុបគ្នាចំនួន២គ្រឿង បណ្ដាលឲ្យរងការខូចខាតយ៉ាងដំណំ ហើយរថយន្តបង្កមិនព្រមឈប់ទទួលខុសត្រូវនោះទេ ក៏ព្យាយាមបេីករត់ចេញពីកន្លែងកេីតហេតុទាំងរថយន្តរងការខូចខាតផ្នែកខាងមុខចំហៀងខាងស្តាំ រហូតដល់មុខស្ថានទូតម៉ាឡេស៊ី ទេីបពលរដ្ឋដែលឃេីញហេតុការណ៍ដេញតាមឃាត់រថយន្ដនិងអ្នកបេីកបរបាន ។
ករណីនេះផងដែរអ្នកបេីកបររថយន្តបានឲ្យដឹងថា រូបគាត់ងងុយដេកក៏ងោគមួយភាំងទេីបជ្រុលទៅបុុកនិងឡាំប្រឺតាបែបនេះទៅ ហើយសំណាងល្អមិនគ្រោះថ្នាក់ដល់មនុស្សណាម្នាក់នោះទេ ។
ក្រោយកេីតហេតុ ក៏មានតំណាងភាគីទាំងសងខាងបានសម្របសម្រួលគ្នា ដោយខាងរថយន្តសុខចិត្ត ចេញថ្លៃការជួសជុលអោយខាងកង់បីទាំង២គ្រឿងដេីម្បីបញ្ចប់រឿង ៕
ដោយ៖សុខាសែនជ័យ
