ភ្នំពេញ៖ កម្លាំងគណៈបញ្ជាការឯកភាពខណ្ឌពោធិ៍សែនជ័យបានដឹកនាំកម្លាំងធ្វេីការចុះរដ្ឋបាលតាមបណ្ដោយផ្លូវរថភ្លើង នឹងតាមបន្ទប់ជួលនៅក្នុងភូមិតាងួន សង្កាត់កាកាបទី១ ខណ្ឌពោធិ៍សែនជ័យកាលពីរសៀលថ្ងៃទី៦ ខែខែឧសភា ឆ្នាំ២០២៥ នឹងឃាត់ខ្លួនជនសង្ស័យចំនួន៣នាក់។
ជនសង្ស័យទី១៖ ឈ្មោះ នឿន ស្រីនិច ភេទស្រី អាយុ២១ឆ្នាំ មុខរបរ និងស្នាក់នៅបច្ចុប្បន្នមិនពិតប្រាកដ។ ជនសង្ស័យទី២៖ ឈ្មោះស៊ុយ វិសាល ភេទប្រុស អាយុ២៥ឆ្នាំ មុខរបរ រើសអេតចាយ និង ស្នាក់នៅបច្ចុប្បន្ន មិនពិតប្រាកដ។
ជនសង្ស័យទី៣៖ ឈ្មោះ ម៉ាន ណាង ភេទប្រុស អាយុ២៩ឆ្នាំ មុខរបរ និងស្នាក់នៅបច្ចុប្បន្នមិនពិតប្រាកដ។
សមត្ថកិច្ចបានឲ្យដឹងថា ដេីម្បីរក្សាបាននូវសុខសុវត្តិភាពជូនបងប្អូនប្រជាពលរដ្ឋ ទប់ស្កាត់បទល្មេីសផ្សេងៗក្នុងមូលដ្ឋាននិង ដោយមានការចង្អុលបង្ហាញពី ឯកឧត្តម ឃួង ស្រេង អភិបាល នៃគណ:អភិបាលរាជធានីភ្នំពេញ និងជាប្រធានគណ:បញ្ជាការឯកភាពរាជធានីភ្នំពេញ រដ្ឋបាលខណ្ឌពោធិ៏សែនជ័យ ដឹកនាំដោយលោក សក់ ច័ន្ធកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យចុះធ្វើរដ្ឋបាលតាមបណ្ដោយផ្លូវរថភ្លើង នឹងតាមបន្ទប់ជួលនៅក្នុងភូមិតាងួន សង្កាត់កាកាបទី១ ខណ្ឌពោធិ៍សែនជ័យ។
សមត្ថកិច្ចបានបញ្ជាក់ទៀតថា ខណៈកម្លាំងកំពុងរដ្ឋបាល
ស្រាប់តែបានប្រទះឃើញជនសង្ស័យខាងលើកំពុងតែឈរនៅលើផ្លូវរថភ្លើងដែលជាកើតហេតុ ដោយមានការសង្ស័យកំលាំងសមត្ថកិច្ចក៏បានធ្វើការសួរនាំ និងនាំមកកាន់ប៉ុស្តិ៍នគរបាលរដ្ឋបាល កាកាបទី១ដើម្បីពិនិត្យទឹកនោមរកសារធាតុញៀនខុសច្បាប់ក្រោយពីពិនិត្យរួចមក ក៏ឃើញថាជនសង្ស័យ ខាងលើពិតជាបានប្រើប្រាស់នូវសារធាតុខុសច្បាប់ពិតប្រាកដមែន។
បច្ចុប្បន្នកំលាំងសមត្ថកិច្ចបានកសាងសំណុំរឿងនិងជនសង្ស័យបញ្ជូនទៅផ្នែកនគរបាលប្រឆាំង គ្រឿងញៀននៃអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការបន្តតាមនិតិវិធី៕
ដោយ៖សុខាសែនជ័យ
