ភ្នំពេញៈ បុរសម្នាក់ស្រវឹងជិះម៉ូតូជ្រុលទៅបុុកស្ត្រីម្នាក់កំពុងបណ្ដើរកង់បណ្តាលឲ្យរងរបួសធ្ងន់ម្នាក់និងស្រាលម្នាក់ ។
ហេតុការណ៍នេះបានកេីតឡេីងនៅវេលាម៉ោង១០យប់ថ្ងៃទី១៣ខែឧសភាឆ្នាំ២០២៥ ទល់មុខច្រកចូលភោជនីយដ្ឋានឡោទីហ្វាង ផ្លូវ១៧៣កែងផ្លូវ៣៨៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន បានអោយដឹងថា មុនពេលកេីតហេតុ គេបានឃើញស្ត្រីម្នាក់វ័យប្រហែល៥០ឆ្នាំជាង បានបណ្តេីរកង់ ចេញពីហាងខាងលើ តាមបណ្ដោយផ្លូវ១៧៣ទិសដៅពីកេីតទៅលិច លុះមកដល់ចំនុចកេីតហេតុ ក៍ស្រាប់តែបុរសម្នាក់ ស្រវឹងបានជិះម៉ូតូម៉ាក icon ពណ៌ខ្មៅ ពាក់ស្លាកលេខ ភ្នំពេញ 1AO 8753 បានជិះធ្វើដំណើរក្នុងទិសដៅបញ្ច្រាសគ្នាក៏ជ្រុលទៅបុុកនិងស្ត្រីដែរកំពុងតែបណ្តេីរកង់ពីក្រោយ បណ្តាលអោយដួលរងរបួសជេីងខាងស្តាំនិងចង្កេះ ត្រូវបានដឹកតាមកង់បីយកទៅមន្ទីរពេទ្យ ។
ដោយឡែកខាងម៉ូតូសន្លប់ស្តូកស្តឹង ត្រូវបានសមត្ថកិច្ចហៅរថយន្តសាមុយរបស់មន្ទីរពេទ្យមិត្តភាពខ្មែរសូវៀតហៅពេទ្យរុស្ស៊ីអោយមកដឹកយកទៅសង្គ្រោះដូចគ្នា ។
ក្រោយកេីតហេតុនៅសល់តែមធ្យោបាយត្រូវសមត្ថកិច្ចជំនាញវាស់វែងយកទៅរក្សាទុកនៅអធិការដ្ឋាននគរបាលខណ្ឌបឹងកេងកង រងចាំដំណោះស្រាយ ៕
ដោយ៖សុខាសែនជ័យ
