ភ្នំពេញ៖ បុរសម្នាក់ជិះម៉ូតូជ្រុលទៅបុករ៉ឺម៉កបេីកឆ្លងផ្លូវបណ្តាលឱ្យរងរបួសធ្ងន់ធ្ងរត្រូវបានរថយន្តកងសង្គ្រោះបន្ទាន់៧១១ដឹកយកទៅមន្ទីរពេទ្យ តែអកុសលជនរងគ្រោះបានស្លាប់ពេលទៅដល់មន្ទីរពេទ្យ។
ហេតុការណ៍នេះបានកេីតឡេីងកាលពីវេលាម៉ោង១១និង១០នាទីព្រឹកថ្ងៃទី២២ ខែឧសភា ឆ្នាំ២០២៥ នៅផ្លូវជាតិលេខ៤ ភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះហង្ស ចំរេីន ភេទប្រុសអាយុ៣៦ឆ្នាំ មុខរបរកម្មកររោងចក្រ ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់
បេីករ៉ឺម៉កលក់ចេកចៀនតាមបណ្តោយផ្លូវជាតិលេខ៤ក្នុងទិសដៅពីលិចទៅកេីតខណៈមកដល់ចំណុចកេីតហេតុបំណងឆ្លងមកខាងឆ្វេងដៃ ស្រាប់តែមានបុរសម្នាក់ជិះម៉ូតូម៉ាកហុងដាឌ្រីមម្នាក់ឯងធ្វេីដំណេីរមកពីក្រោយលឿនជ្រុលទៅបុកពេញទំហឹងបណ្តាលឱ្យដួលបោកទៅនឹងថ្នល់រងរបួសធ្ងន់ធ្ងរ។
ក្រោយកេីតហេតុជនរងគ្រោះត្រូវបានរថយន្តសង្គ្រោះបន្ទាន់៧១១ កងពលតូចលេខ៧០ដឹកទៅមន្ទីរពេទ្យព្រះកុសុមៈ តែដោយសារតែរបួសធ្ងន់ធ្ងរពេកក៏បានស្លាប់ពេលបញ្ជូនទៅដល់មន្ទីរពេទ្យ ចំណែកម៉ូតូនិងរ៉ឺម៉កត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
