ថ្លែងនៅក្នុងបទសម្ភាសន៍ជាមួយអ្នកផ្សាយព័ត៌មានអាមេរិក និង YouTuber IShowSpeed កាលពីចុងសប្តាហ៍ លោក Infantino បាននិយាយថា Ronaldo កំពុងពិភាក្សាជាមួយក្លឹបជាច្រើនដែលរំពឹងថានឹងចូលប្រកួតប្រជែងក្នុងព្រឹត្តការណ៍ពិភពលោក។
នៅពេលសួរថាតើគាត់ចូលចិត្ត Ronaldo ឬ Messi ជាង។ Infantino បានឆ្លើយតបថា “ពួកគេជាកីឡាករដ៏អស្ចារ្យទាំងពីរនាក់។ ប្រសិនបើអ្នកជាព័រទុយហ្គាល់ អ្នកគឺចូលចិត្ត Ronaldo ។ ប្រសិនបើអ្នកជាជនជាតិអាហ្សង់ទីន អ្នកប្រាកដជាចូលចិត្ត Messi។ ប្រសិនបើអ្នកជាអ្នកគាំទ្របាល់ទាត់ អ្នកចង់ឃើញពួកគេទាំងពីរព្រោះវាគ្រាន់តែជាការប្រកួតដ៏អស្ចារ្យមួយ។ ខ្ញុំចង់ឃើញពួកគេទាំងពីរលេងជាមួយគ្នា។
ក្រោមច្បាប់របស់ FIFA បច្ចុប្បន្ន Inter Miami អាចខ្ចី Ronaldo តាមបច្ចេកទេសសម្រាប់ការប្រកួត ដែលចាប់ផ្តើមពីថ្ងៃទី 14 ខែមិថុនា ដល់ថ្ងៃទី 13 ខែកក្កដា ក្នុងការចុះឈ្មោះកីឡាករអាមេរិកសម្រាប់ការប្រកួតនឹងបើកនៅថ្ងៃទី 1 ខែមិថុនា។ កិច្ចសន្យារបស់ Ronaldo ជាមួយ Al Nassr ផុតកំណត់នៅថ្ងៃទី 30 ខែមិថុនា ហើយការប្រកួតចុងក្រោយរបស់គាត់សម្រាប់ក្លឹបគឺនៅថ្ងៃទី 26 ខែឧសភាក៏ដោយ។
Inter Miami នឹងចូលរួមក្នុង Club World Cup ក្នុងនាមជាប្រទេសម្ចាស់ផ្ទះ។ ប៉ុន្តែ Al Nassr និងមិនបានចូលរួមទេ។
យោងតាមសារព័ត៌មាន Diario AS បានឱ្យដឹងថា Ronaldo បច្ចុប្បន្នកំពុងពិភាក្សាជាមួយក្លឹបប្រហែល 10 ដែលចាប់អារម្មណ៍ក្នុងការនាំយកគាត់មកចូលរួមការប្រកួត ទោះបីជាមិនមានមូលដ្ឋាននៅអឺរ៉ុប ឬសហរដ្ឋអាមេរិកក៏ដោយ។
