ខេត្តស្ទឹងត្រែង៖ ចោរលួចនឹងឆបោកម្នាក់ត្រូវបានសមត្ថកិច្ចឃាត់ខ្លួនកាលពីវេលា៧និង៥០នាទីនាថ្ងៃទី២៥ ខែសីហា ឆ្នាំ២០១៦ នៅចំណុចភូមិសំអាង ឃុំសំអាង ស្រុកថាឡាបរិវ៉ាត់។

លោក គង់ សេនា ហៅអ៊ុញ បានឲ្យដឹងថា ជនសង្ស័យឈ្មោះ ទេព ឈូក អាយុ២២ឆ្នាំ មានទីលំនៅភូមិឃុំកើតហេតុ
ខាងលើ ។

ប្រភពពីឪពុកជនសង្ស័យឲ្យថា កូនរបស់បានប្រើប្រាស់សារធាតុញៀននឹងបំផ្លាញទ្រព្យសម្បត្តិរបស់គាត់អស់ជាច្រើន ហើយឭថាបោកម៉តូគេនៅខេត្តរតនគីរី ទៀតតាំងពីរឆ្នាំ២០១៥ ហើយក៏បាត់ដំណឹងរហូត ក្រោយមកបានមកពួនសម្ញំលាក់ខ្លួនក្នុងផ្ទះរបស់គាត់ ហើយគាត់ក៏រាយការណ៍ទៅនគរបាលប៉ុស្តិ៍សំអាង ទើបឈានដល់ការឃាត់ខ្លួនតែម្តង។

នៅចំពោះមុខសមត្ថកិច្ចជនសង្ស័យបានសារភាព រូបគេពិតជាបានធ្វើដូចអ្វីដែលឪពុករបស់ខ្លួនបានរៀបរាប់ពិតប្រាកដមែន។

បច្ចុប្បន្នជនសង្ស័យបានបញ្ជូនទៅស្នងការដ្ឋាននគបាលខេត្តដើម្បីចាត់ការបន្តតាមនីតិវិធី៕

ដោយ៖ មាស សុផាត