លោកប្រធានាធិបតី Trump បាននិយាយថា ការអនុញ្ញាតឱ្យរុស្ស៊ី និងអ៊ុយក្រែន “ប្រយុទ្ធគ្នាបន្តិចទៀត” មុនពេលបន្តកិច្ចខិតខំប្រឹងប្រែងសន្តិភាព នឹងក្លាយជាវិធីសាស្រ្តល្អប្រសើរជាងមុន។

នៅក្នុងកិច្ចប្រជុំមួយនៅសេតវិមានកាលពីថ្ងៃទី 5 ខែមិថុនា អធិការបតីអាល្លឺម៉ង់ Friedrich Merz បាននិយាយថា ប្រធានាធិបតីអាមេរិក Donald Trump គឺជា “មនុស្សសំខាន់ក្នុងពិភពលោក” ដែលអាចបញ្ចប់ការប្រយុទ្ធបង្ហូរឈាមរវាងរុស្ស៊ី និងអ៊ុយក្រែន។
ជាការឆ្លើយតប លោក Trump បានប្រដូចជម្លោះរុស្ស៊ី-អ៊ុយក្រែនទៅនឹង “ការប្រយុទ្ធគ្នារវាងក្មេងពីរនាក់ដែលស្អប់គ្នាទៅវិញទៅមក”។ លោក Trump បាននិយាយថា “ពេលខ្លះវាល្អប្រសើរជាងក្នុងការអនុញ្ញាតឱ្យក្មេងៗឈ្លោះគ្នាយូរបន្តិចហើយបន្ទាប់មកបំបែកពួកគេ” ដោយបន្ថែមថាគាត់បានលើកឡើងពីពាក្យប្រៀបធៀបទៅនឹងសមភាគីរុស្ស៊ីលោក Vladimir Putin នៅក្នុងការហៅទូរស័ព្ទមុន។
លោក Trump បានបន្តថា៖ «ខ្ញុំបាននិយាយថា ‘លោកប្រធានាធិបតី អ្នកប្រហែលជាត្រូវបន្តការប្រយុទ្ធ និងទទួលរងនូវការស្លាប់និងរបួសជាច្រើននាក់ទៀត»។ “អ្នកឃើញវានៅក្នុងកីឡាវាយកូនគោលលើទឹកកក និងកីឡាផ្សេងទៀត ដែលអាជ្ញាកណ្តាលតែងតែអនុញ្ញាតឱ្យភាគីប្រយុទ្ធពីរបីវិនាទីមុនពេលបំបែកពួកគេ។”
ការអត្ថាធិប្បាយបង្ហាញថា លោកប្រធានាធិបតី Trump ហាក់ដូចជាបានផ្លាស់ប្តូរជំហររបស់គាត់ចំពោះជម្លោះអ៊ុយក្រែន។ ប្រមុខសេតវិមានបានអំពាវនាវម្តងហើយម្តងទៀតឱ្យទីក្រុងម៉ូស្គូ និងក្រុងគៀវ ចរចាឱ្យបានឆាប់នូវបទឈប់បាញ់មួយ ក្នុងគោលបំណងស្វែងរកដំណោះស្រាយដោយសន្តិវិធីចំពោះជម្លោះដែលអូសបន្លាយជាងបីឆ្នាំមកនេះ៕

រូបថត​: AP