ភ្នំពេញ៖ បុរសម្នាក់បានរងរបួសធ្ងន់ ខណៈបេីកម៉ូតូត្រូវម៉ូតូស្កុបពីបេីកឆ្លងផ្លូវទាក់ដៃចង្កូតបណ្តាលឲ្យជនរងគ្រោះរងរបួសធ្ងន់ត្រូវបានរថយន្តសង្រ្គោះរបស់មន្ទីរបង្អែកខណ្ឌសែនសុខដឹកយកទៅសង្គ្រោះបន្ទាន់នៅមន្ទីរពេទ្យព្រះកុសមៈ ។
ហេតុការណ៍នេះបង្កអោយមានការភ្ញាក់ផ្អើលកាលពីយប់ថ្ងៃទី០៥ខែមិថុនាឆ្នាំ២០២៥នៅតាមបណ្ដោយផ្លូវបេតុង ភូមិជ្រេស សង្កាត់គោកឃ្លាង ខណ្ឌសែនសុខរាជធានីភ្នំពេញ ។
ប្រភពពត៌មានពីកន្លែងកើតហេតុបាននិយាយប្រាប់ថា នៅមុនមុនពេលកេីតហេតុគេឃើញជនរងគ្រោះជិះម៉ូតូម៉ាកឌ្រីមសង់សេរី២០១៨ពណ៌ខ្មៅពាក់ស្លាកលេខតាកែវ1O- 6933បេីកតាមបណ្តោយផ្លូវបេតុងថ្មី ក្នុងទិដៅពីត្បូងទៅជេីងក្នុងល្បឿនយ៉ាងលឿន លុះបេីកមកដល់ចំណុចកេីតហេតុ ក៏ស្រាប់តែ ឃេីញម៉ូតូមួយគ្រឿងម៉ាកស្កុបពីពណ៌ខ្មៅ ពាក់ស្លាកលេខភ្នំពេញ1KV-8038 បេីកបរដោយបុរសម្នាក់បានបេីកឆ្លងផ្លូវក្នុងទិសដៅពីកេីតទៅលិច បន្ទាប់មកបានទាក់ដៃចង្កូតជនរងគ្រោះបណ្តាលឲ្យ ជនរងគ្រោះដួលបោកទៅនឹងថ្នល់នឹងបណ្តាលឲ្យជនរងគ្រោះរងរបួសយ៉ាងធ្ងន់ធ្ងរបែកក្បាលឈាមហូរស្រោចពេញផ្លូវ ។ ប្រភពពត៌មានពីកន្លែងកើតហេតុបានបន្តទៀតថាខណៈគ្រោះថ្នាក់ភ្លាមៗ ដោយបងប្អូនប្រជាពលរដ្ឋនឹងកន្លែងកើតហេតុបានទាក់ទងទៅរថយន្តសង្គ្រោះភ្លាមៗ ហេីយត្រូវបានរថយន្តសង្រ្គោះរបស់មន្ទីរពេទ្យបង្អែកខណ្ឌសែនសុខបានដឹកជនរងគ្រោះយកទៅសង្គ្រោះបន្ទាន់នៅមន្ទីរពេទ្យមិត្តភាពកម្ពុជាចិនព្រះកុសមៈភ្លាមៗ ។
បន្ទាប់ពីកេីតហេតុសមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចនគរបាលជំនាញចរាចរណ៍ខណ្ឌសែនសុខចុះមកវាស់វែងយកម៉ូតូទាំង២គ្រឿងយកទៅរក្សាទុកដេីម្បីរងចាំការដោះស្រាយថ្ងៃក្រោយ ៕
ដោយ៖ ជ្រោយពេជ្រ
