ក្លឹប Tottenham Hotspur បានបណ្តេញអ្នកចាត់ការទូទៅ Ange Postecoglou ចេញ បើទោះបីជាគ្រូបង្វឹកសញ្ជាតិអូស្ត្រាលីរូបនេះបានដឹកនាំក្រុម Spurs ទៅកាន់ពានរង្វាន់ធំជាលើកដំបូងរបស់ពួកគេក្នុងរយៈពេល 17 ឆ្នាំជាមួយនឹងជ័យជម្នះក្នុងការប្រកួតវគ្គផ្តាច់ព្រ័ត្រ Europa League កាលពីខែមុនក៏ដោយ។

Spurs បានផ្តួលក្រុម Manchester United ក្នុងទីក្រុង Bilbao ដើម្បីឈ្នះពានរង្វាន់ Europa League និងកក់កន្លែងរបស់ពួកគេនៅក្នុងក្របខ័ណ្ឌ Champions League នៅរដូវកាលក្រោយ ប៉ុន្តែយុទ្ធនាការក្នុងស្រុកដ៏គួរឱ្យសោកស្តាយទីបំផុតបានធ្វើឱ្យ Postecoglou បាត់បង់ការងាររបស់គាត់។

Spurs បាននិយាយនៅក្នុងសេចក្តីថ្លែងការណ៍មួយថា “ក្រុមប្រឹក្សាភិបាលបានសន្និដ្ឋានជាឯកច្ឆ័ន្ទថាវាជាផលប្រយោជន៍ដ៏ល្អបំផុតរបស់ក្លឹបសម្រាប់ការផ្លាស់ប្តូរដែលនឹងកើតឡើង” ។

សេចក្តីថ្លែងការណ៍បានបន្តថា”ពេលខ្លះមានកាលៈទេសៈដែលអូសបន្លាយ – របួស ហើយបន្ទាប់មកការសម្រេចចិត្តផ្តល់អាទិភាពដល់យុទ្ធនាការអ៊ឺរ៉ុបរបស់យើង។ ខណៈពេលដែលការឈ្នះពានរង្វាន់ Europa League រដូវកាលនេះជាប់ចំណាត់ថ្នាក់ជាពេលវេលាដ៏អស្ចារ្យបំផុតរបស់ក្លឹប យើងមិនអាចផ្អែកលើការសម្រេចចិត្តរបស់យើងលើអារម្មណ៍ស្របទៅនឹងជ័យជំនះនេះទេ”។ Tottenham បានបញ្ចប់ក្នុងចំណាត់ថ្នាក់លេខ 17 ក្នុងក្របខ័ណ្ឌ Premier League កាលពីរដូវកាលមុន ដោយបានជំរុញឱ្យមានសម្ពាធលើអ្នកចាត់ការវ័យ 59 ឆ្នាំក្នុងឆ្នាំទី 2 របស់គាត់។

Spurs បានបញ្ចប់ក្នុងចំណាត់ថ្នាក់លេខ 5 ដោយមាន 66 ពិន្ទុក្នុងរដូវកាលដំបូងរបស់អ្នកចាត់ការសញ្ជាតិអូស្ត្រាលី ដែលជួយឱ្យពួកគេទទួលបានកៅអីមួយក្នុងក្របខ័ណ្ឌ Europa League ។

Spurs មានអ្នករង​របួស​យ៉ាង​ខ្លាំង​ក្នុង​រដូវ​កាល​កន្លង​មក​ននេះដូចជា Cristian Romero, Micky van de Ven, Dejan Kulusevski, Destiny Udogie, Dominic Solanke និង James Maddison សុទ្ធ​តែ​អវត្តមាន​ក្នុងពេល​វេលា​ដ៏​សំខាន់។ អ្នកចាត់ការ Brentford លោក Thomas Frank និង Marco Silva របស់ Fulham ទាំងពីរនាក់ត្រូវបានភ្ជាប់ជាបេក្ខភាពដែលមានសក្តានុពលដើម្បីជំនួស Postecoglou ។