ខេត្តកំពង់ស្ពឺ ៖ ពិតជាហួសចិត្តណាស់ មិនគិតនាំគ្នាខំរៀនសូត្របែរជាក្មេងស្រីៗជេីងខ្លាំងពីរក្រុមណាត់គ្នាប្រកួតកម្លាំងថ្វីដៃគ្នាក្នុងវាលស្រែ។
ដោយបានការចង្អុលណែនាំដ៏ខ្ពង់ខ្ពស់ពី លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងគោលការណ៍ឯកភាពពីតំណាងអយ្យការ អមសាលាដំបូងខេត្ដកំពង់ស្ពឺ អោយជំនាញចាត់ការតាមនីតិវិធីលេីករណីក្រុមក្មេងទំនេីងជាស្រីៗ ដែលបានធ្វេីការណាត់ សាកកម្លាំងរវាងគ្នានិងគ្នាដោយការវាយគ្នាផ្ទាល់នៅក្នុងស្រែ ។
បន្ទាប់ពីបានទទួលពាក្យបណ្ដឹងពីភាគីម្ខាង ឈ្មោះ ផាត លីចាន់សុី ភេទស្រី អាយុ១៧ឆ្នាំ រស់នៅភូមិដន្លង ឃុំក្រាំង
ចេក ស្រុកសាមគ្គីមុនីជ័យ ប្ដឹងឈ្មោះ រស់ ព្រីរីហ្សា ភេទស្រី អាយុ២០ឆ្នាំ រស់នៅភូមិត្រពាំងក្រឹម ឃុំក្រាំងចេក ស្រុកសាមគ្គីមុនីជ័យ ចុងបណ្ដឹងមក ជំនាញនៃអធិការដ្ឋាននគរបាលស្រុកសាមគ្គីមុនីជ័យ បានធ្វើកិច្ចការនេះជាបន្ទាន់។
ភាគីដែលត្រូវគេប្ដឹង រស់ ព្រីរីហ្សា រួមជាមួយបក្ខពួកចំនួន០៣នាក់ផ្សេងទៀត ១-ឈ្មោះ ប៊ុន រតនា ភេទស្រី អាយុ ១៧ឆ្នាំ នៅភូមិព្រៃសំរោង ឃុំលំហាច ស្រុកអង្គស្នួល ២-ឈ្មោះ ជា វិបុត្រ ភេទប្រុស អាយុ ១៧ឆ្នាំ ៣-ឈ្មោះ ផាត សុខអាយ ភេទស្រី អាយុ ១៦ឆ្នាំ ។ កាលពីថ្ងៃទី០៥ ខែមិថុនា ឆ្នាំ២០២៥ វេលាម៉ោង ១៨ នឹង៤០នាទី បក្ខពួក៣នាក់ និងឈ្មោះ រស់ ព្រីរីហ្សា បានជិះម៉ូតូមកដល់គោលដៅដែលបានណាត់ជួបគ្នា (តាមបណ្ដាញសង្គម messages) នៅចំណុចបឹងស្រែខាងកើតភូមិដន្លង ឃុំក្រាំងចេក ស្រុកសាមគ្គីមុនីជ័យ រីឯឈ្មោះ ផាត លីចាន់សុី មានគ្នាចំនួន ២នាក់ រួមជាមួយបក្ខពួកឈ្មោះ យ៉េន យ៉ារី អាយុ ១៧ឆ្នាំ ។
ក្រោយពីបានជួបជជែកគ្នាមិនទាន់ចប់
ផង ឈ្មោះ រស់ ព្រីរីហ្សា បានហក់ទៅវៃ៉ឈ្មោះ ផាត លីចាន់សុី និងបានធ្វេីសកម្មភាពវាយតបតគ្នាដោយបច្ចេកទេសរៀងៗខ្លួន ដោយវាយគ្នាទៅវិញទៅមក បណ្ដាលឱ្យមានការប្រឡាក់ភក់និងរងរបួសរៀងៗខ្លួន ។
យោងតាមការបញ្ជាក់ពីលោកវរសេនីយ៍ឯក ខឹម សាម៉ុន បានអោយដឹងថា ភាគីទាំងសងខាងបានធ្វេីការចោទប្រកាន់គ្នាទៅវិញទៅមក ដូច្នេះសមត្ថកិច្ចបានធ្វើការឃាត់និងបញ្ជូនសំណុំរឿងទៅកាន់ការិយាល័យព្រហ្មទណ្ឌ នៃស្នងការដ្ឋាននគរបាលខេត្តកំពង់ស្ពឺ ដេីម្បីមានចំណាត់ការនីតិវិធីបន្ដ។ ជាក់ស្ដែងសមត្ថកិច្ចដកហូតវត្ថុតាងទូរស័ព្ទចំនួន០៥គ្រឿង ដែលជាមធ្យោបាយបង្កហេតុ៕
ដោយ៖ ស សម
