ទាហានម៉ារីនអាមេរិកចំនួន 700 នាក់ដែលឈរជើងនៅរដ្ឋកាលីហ្វ័រញ៉ាត្រូវបានបញ្ជាឱ្យឆ្លើយតបទៅនឹងស្ថានភាពគ្រាអាសន្ននៅក្នុងទីក្រុង Los Angeles ហើយត្រូវបានគេរំពឹងថានឹងមកដល់ក្នុងរយៈពេល 24 ម៉ោង។

បញ្ជាការខាងជើងរបស់សហរដ្ឋអាមេរិក បានបញ្ជាក់ថា កម្លាំងនឹងចូលរួមជាមួយកងទ័ពឆ្មាំជាតិចំនួន 2,100 នាក់ ដែលបច្ចុប្បន្នកំពុងប្រតិបត្តិការនៅទីក្រុង Los Angeles ដោយបង្កើតជាកងកម្លាំងមួយដែលមានឈ្មោះថា “Task Force 51” ដែលមានឯកទេសក្នុងការការពារអគារសហព័ន្ធ និងបុគ្គលិក។
ប្រភពរបស់រដ្ឋាភិបាលសហរដ្ឋអាមេរិកបាននិយាយថា ទាហានត្រូវបានដាក់ពង្រាយដោយកាំភ្លើង ប្រើគ្រាប់កាំភ្លើងកៅស៊ូ ឬឧស្ម័នបង្ហូរទឹកភ្នែក និងអនុវត្តភារកិច្ចរបស់ពួកគេដោយយោងទៅតាមច្បាប់ “បន្ថយការកើនឡើង” នៅក្នុងស្ថានភាពប្រឈមមុខ។
ទោះជាយ៉ាងណាក៏ដោយ ពួកគេនៅតែត្រូវបានអនុញ្ញាតឱ្យប្រើអាវុធក្នុងការការពារខ្លួន។
ទាំងកងម៉ារីន និងឆ្មាំជាតិមិនត្រូវបានដាក់ពង្រាយដើម្បីល្បាតតាមដងផ្លូវ ឬចាប់ខ្លួនបាតុករទេ ប៉ុន្តែត្រូវបានកំណត់ត្រឹមការការពារទ្រព្យសម្បត្តិសហព័ន្ធ និងបុគ្គលិក។
លោកប្រធានាធិបតី Donald Trump បានសង្កត់ធ្ងន់ថា ការសម្រេចចិត្តដាក់ពង្រាយកងទ័ពគឺជាការចាំបាច់ ពីព្រោះ “បើមិនដូច្នេះទេ ទីក្រុង Los Angeles នឹងធ្លាក់ចូលទៅក្នុងភាពចលាចលដែលមិនធ្លាប់មានពីមុនមក” ហើយថាការដាក់ពង្រាយបានជួយឱ្យស្ថានភាពនៅទីក្រុង Los Angeles វិលមកភាពដើមវិញ៕

រូបថត​: AP