ភ្នំពេញ ៖ ហេតុការណ៍គ្រោះអគ្គិភ័យមួយបានឆាបឆេះអាហារដ្ឋាន ពេជ្រ ចរណៃ បណ្តាលអោយខូចខាតសម្ភារអស់មួយចំនួនធំ។

ហេតុការណ៍នេះបានបង្កការភ្ញាក់ផ្អើលនៅវេលាម៉ោង ០៨ និង ៤០នាទីយប់ថ្ងៃទី ១៨ ខែមិថុនា ឆ្នាំ២០២៥ នៅចំណុចអាហារដ្ឋាន ពេជ្រ ចរណៃ តាមបណ្តោយផ្លូវលេខ ៣១៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។

បើតាមការបញ្ជាក់ពីពលរដ្ឋនៅក្បែនោះបានអោយដឹងថា មុនកើតហេតុគេបានធុំក្លិនឆ្ងៀមផ្សែងចេញពីក្នុងហាងមកខាងក្រៅ ភ្លាមៗនោះក៏មានពលរដ្ឋបានរត់ស្ទុះមកមើល ឃើញមានអណ្តាតភ្លើងឆាបឆេះយ៉ាងសន្ធោសន្ធៅបាត់ទៅហើយ ។ ពេលឃើញបែបនេះ ពលរដ្ឋបានប្រញាប់រាយការណ៍ទៅសមត្ថកិច្ចមូលដ្ឋានដើម្បីឱ្យជួយអន្តរាគមន៍បាញ់ទឹកពន្លត់ ។

ប្រភពព័ត៌មានបឋម ជំហានដំបូងសង្ស័យកើតចេញពីការផ្សារធ្លាក់កម្ទេចភ្លើងលើសាឡុង ។ ប៉ុន្តែចំពោះមូលហេតុ ច្បាស់លាស់ សមត្ថកិច្ចកំពុងបើកការស្រាវជ្រាវ ។

អគ្គិភ័យនេះដែរបានបង្កការខូចខាតអស់សម្ភារៈមួយចំនួនធំ ប៉ុន្តែមិនមានការរាលដាលឆេះបន្តទៀតនោះទេ នឹងបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ ចំនួន០៥គ្រឿងបាញ់ទឹកអោយរលត់ជាស្ថាពរ ៕

ដោយ៖ សុខាសែនជ័យ