ប្រទេសថៃ៖ បើតាមការចេញផ្សាយដោយសារព័ត៌មាន Khaosod បានចុះផ្សាយថា ដើម្បីដកលោកស្រី ផែថងថាន ស៊ីណាវ៉ាត់ (Paetongtarn Shinawatra )នាយករដ្ឋមន្ត្រីថៃ គណៈកម្មាធិការក្រមសីលធម៌នយោបាយ នៃព្រឹទ្ធសភាថៃ នៅថ្ងៃព្រហស្បតិ៍ ទី១៩ ខែមិថុនានេះ បានប្រកាសថា ពួកគេនឹងដាក់ញ្ញតិ្តទៅកាន់តុលាការធម្មនុញ្ញ និងគណៈកម្មការជាតិប្រឆាំង អំពើពុករលួយ។
គណៈកម្មាធិការនៃព្រឹទ្ធសភាថៃ បានប្រកាន់លោកស្រី ផែថងថាន ស៊ីណាវ៉ាត់ ថា៖ ដោះស្រាយមិនបានល្អពាក់ព័ន្ធនឹងបញ្ហាជម្លោះព្រំដែនកម្ពុជា-ថៃ ជាពិសេសកក្រោយការបែកធ្លាយកិច្ចសន្ទនាតាមទូរស័ព្ទ។
សូមជម្រាបថា គិតត្រឹមរសៀលថ្ងៃទី១៩ ខែមិថុនា ឆ្នាំ២០២៥នេះ លោកស្រី ផែថងថាន ស៊ីណាវ៉ាត់ នាយករដ្ឋមន្ត្រីថៃ គេមិនទាន់ឃើញមានព័ត៌មានផ្លូវការណា បានចេញផ្សាយពីការសម្រេចចិត្តរបស់លោកស្រី ផែថងថាន ស៊ីណាវ៉ាត់ ក្នុងការចុះចេញពីតំណែងនោះទេ បើទោះបីជាលោកស្រី កំពុងប្រឈមមុខនឹងសម្ពាធពីសាធារណៈជនថៃ ដែលទាមទារឱ្យលោកស្រីលាលែងចេញពីតំណែងនោះ៕
ដោយ៖តារា
