ខេត្តស្វាយរៀង: នារីជាបុគ្គលិក កាស៊ីណូម្នាក់ សង្ស័យមានវិបត្តិក្នុងគ្រួសារ(ខឹងឪពុកស្តីបន្ទោស)បានលោតទឹកសម្លាប់ខ្លួននៅលើស្ពាន ទន្លេវ៉ៃគោផ្អើលដល់ អ្នកធ្វើដំណើរនិងអ្នកហាត់ប្រាណ ទាំងព្រឹកព្រលឹមនៅក្រុងស្វាយរៀង។
ហេតុការណ៍ភ្ញាក់ផ្អើលបានកើតឡើងនៅវេលាម៉ោង ៥និង៣៥នាទីទាបភ្លឺ ថ្ងៃទីទី២០ខែមិថុនាឆ្នាំ២០២៥ នៅចំណុចស្ពានហាយវ៉េ ស្ថិតក្នុងភូមិបាក់រនាស់សង្កាត់សង្ឃ័រ ក្រុងស្វាយរៀង។
យោងតាមសមត្ថកិច្ច នគរបាលក្រុងស្វាយរៀង បានឲ្យដឹងថានារីរងគ្រោះមានឈ្មោះ វ៉ុន សារិទ្ធអីលី(ហៅអ៊ីហួយ) អាយុ២១ឆ្នាំ មុខរបរ បុគ្គលិកកាស៊ីណូ ) រស់នៅភូមិ ព្រះទន្លេ សង្កាត់សង្ឃ័រ ក្រុងស្វាយរៀង ខេត្តស្វាយរៀង។
បន្ទាប់ពីមាន សេចក្ដីរាយការណ៍ ពីអាជ្ញាធរភូមិ រួចមកសមត្ថកិច្ចនគរបាលក្រុងស្វាយរៀងសហការ ជាមួយកងរាជអាវុធហត្ថក្រុងនិងក្រុមគ្រូពេទ្យ ព្រមទាំងនគរបាលជំនាញ បានចុះមកដល់កន្លែងកើតហេតុភ្លាមៗ និងបានប្រទះឃើញសព ទើបបានស្រង់ដាក់លើទូក ។
ប្រភពបន្តថា ក្រោយពីស្រង់ដាក់លើគោក សមត្ថកិច្ចបានធ្វើកំណត់ហេតុនិងបានពិនិត្យសពដោយបានសន្និដ្ឋានថា ពិតជាករណីលោតទឹកសម្លាប់ខ្លួនប្រាកដមែន ដោយមិនមែនមានស្លាកស្នាមអ្វីជាអំពើឃាតកម្មនោះទេ។
បើតាមក្រុមគ្រួសារបានរៀបរាប់ទាំងទឹកភ្នែក ថា មិនគួរណាកូនស្រីគិតខ្លីបែបនេះសោះដោយគ្រាប់តែ ស្តីបន្ទោសរឿងបន្តិចបន្តួចសោះ។
បច្ចុប្បន្ន សពត្រូវបានសមត្ថកិច្ចនគរបាលប្រគល់ជូនសាច់ញាតិធ្វេីបុណ្យតាមប្រពៃណីទាំងក្ដុកក្ដួលបំផុត៕
