តារាវាយកូនបាល់ជប៉ុន Kei Nishikori អតីតកីឡាករលំដាប់លេខ៤ពិភពលោក បានចេញមុខសុំទោសជាសាធារណៈដល់ភរិយា Mai Yamaguchi និងកូនទាំងពីរ បន្ទាប់ពីមានសេចក្តីរាយការណ៍ថា មានទំនាក់ទំនងស្នេហាលួចលាក់ជាមួយតារាម៉ូដែល Azuki Oguchi ។

យោងតាមសារព័ត៌មាន Shukan Bunshun ទំនាក់ទំនងនេះត្រូវបានលាតត្រដាងបន្ទាប់ពី Nishikori ត្រូវបានគេថតរូបបានទៅលេងផ្ទះល្វែងរបស់ Oguchi កាលពីសប្តាហ៍មុន។ ការចុះផ្សាយបានរាយការណ៍ថាទំនាក់ទំនងរវាងតារាវាយកូនបាល់និងតារាម៉ូដែលជប៉ុនមានរយៈពេលប្រហែលមួយឆ្នាំ។

Nishikori ក្រោយមកបានចេញសេចក្តីថ្លែងការណ៍មួយទៅកាន់សារព័ត៌មានជប៉ុនថា “ខ្ញុំសូមអភ័យទោសយ៉ាងជ្រាលជ្រៅចំពោះការបង្កភាពមិនស្រួលដល់អ្នករាល់គ្នាដែលគាំទ្រខ្ញុំ៖ អ្នកគាំទ្រកីឡាវាយកូនបាល់ សមាគម អ្នកឧបត្ថម្ភ និងភាគីពាក់ព័ន្ធផ្សេងទៀត និងសម្រាប់ការព្រួយបារម្ភ និងការរអាក់រអួលរបស់ពួកគេដោយសារតែអាកប្បកិរិយាមិនស្មោះត្រង់របស់ខ្ញុំ។ លើសពីនេះ ខ្ញុំសោកស្ដាយយ៉ាងខ្លាំង ដែលធ្វើឲ្យប្រពន្ធ និងកូនរបស់ខ្ញុំឈឺចាប់”។

កីឡាករវ័យ 35 ឆ្នាំរូបនេះបានបន្ថែមថាគាត់គ្រោងនឹងផ្លាស់ប្តូរការផ្តោតយកចិត្តទុកដាក់របស់គាត់ទាំងស្រុងទៅលើកីឡាវាយកូនបាល់ និងគោលដៅអាជីពរបស់គាត់ ដើម្បីទទួលបានការជឿទុកចិត្តពីសាធារណជនឡើងវិញ និងបំពេញនូវទំនួលខុសត្រូវរបស់គាត់ក្នុងនាមជាពលរដ្ឋ និងជាឪពុក។

Nishikori បានរៀបការជាមួយតារាសម្តែង Yamaguchi ក្នុងឆ្នាំ 2020 បន្ទាប់ពីទាក់ទងគ្នារយៈពេល 5 ឆ្នាំ។ ប្តីប្រពន្ធនេះមានកូន២នាក់អាយុ៤ឆ្នាំម្នាក់ ។

Nishikori នៅតែជាកីឡាករវាយកូនបាល់ដ៏ជោគជ័យបំផុតម្នាក់របស់ប្រទេសជប៉ុននៅក្នុងកម្មវិធី Open Era។ គាត់បានឈានដល់ចំណាត់ថ្នាក់ ATP អាជីពខ្ពស់នៃចំណាត់ថ្នាក់លេខ 4 ពិភពលោកក្នុងខែមីនា ឆ្នាំ 2015 ហើយបានជាប់ចំណាត់ថ្នាក់នៅ US Open ក្នុងឆ្នាំ 2014 ។ ថ្មីៗនេះគាត់បានដកខ្លួនចេញពីទាំង Roland Garros និង Wimbledon ដោយសារតែរបួស។