ជំនន់ទឹកភ្លៀងបានជន់លិចចូលទៅក្នុងផ្សារទំនើបដ៏ធំបំផុតនៅក្នុងស្រុក Dung Giang ខណៈដែលភ្លៀងធ្លាក់ខ្លាំងនៅតែបន្តនៅក្នុងខេត្ត Guizhou ភាគនិរតីនៃប្រទេសចិន។

នៅក្នុងវីដេអូដែលផ្សព្វផ្សាយនៅលើប្រព័ន្ធផ្សព្វផ្សាយសង្គមដែលបង្ហាញពីផ្សារទំនើបដ៏ធំបំផុតនៅក្នុងស្រុក Dung Giang កាលពីថ្ងៃទី 24 ខែមិថុនា ទឹកជំនន់ភក់បានហូរធ្លាក់ជណ្តើរយន្ត និងពីលើជាន់ខាងលើ ដោយយកសំលៀកបំពាក់ កៅអី និងរបស់របរជាច្រើនទៀត។
រថយន្តត្រូវបានបើកចូលចំណតនៅក្រោមដី ជាច្រើនគ្រឿងត្រូវលិចក្នុងទឹក បន្ទាប់ពីទឹកទន្លេបានបាក់ច្រាំងទន្លេ បង្កទឹកជនលិចនៅភាគច្រើននៃស្រុក Dung Giang ។
ពាក់កណ្តាលនៃហាងនៅជាន់ទីមួយត្រូវបានជន់លិច ទឹកជន់លិចចូលផ្សារទំនើបដូចទឹកជ្រោះ កន្លែងទទួលភ្ញៀវត្រូវបានជន់លិចក្នុងរយៈពេលប៉ុន្មាននាទី។
នៅថ្ងៃត្រង់ថ្ងៃទី២៤ មិថុនា អាជីវករក្នុងផ្សារទំនើបជាច្រើននាក់បានបញ្ជាក់ពីហេតុការណ៍នេះ ។ HK01 បានដកស្រង់សម្តីអាជីវករមួយចំនួនដែលនិយាយថា “ទឹកបានហក់ឡើងយ៉ាងលឿនក្នុងរយៈពេលតែប៉ុន្មាននាទីប៉ុណ្ណោះ។ យើងមិនមានពេលដើម្បីផ្លាស់ទីទំនិញទេ ដូច្នេះការខូចខាតគឺធ្ងន់ធ្ងរណាស់” ។
បន្ទាប់មកអាជ្ញាធរមូលដ្ឋានបានបញ្ជាក់ថា ផ្សារទំនើបដ៏ធំបំផុតនៅក្នុងស្រុក Dung Giang ពិតជាត្រូវបានជន់លិច ហើយក្រុមអ្នកជួយសង្គ្រោះកំពុងស្ថិតនៅកន្លែងកើតហេតុ។ សំណាងល្អមិនមានអ្នករងរបួស។

ក្រៅពីផ្សារទំនើប និងចំណតរថយន្តក្រោមដី តំបន់ទំនាបជាច្រើនទៀត និងទីលានបាល់ទាត់ក្នុងសង្កាត់ Dung Giang ក៏ត្រូវបានជន់លិចផងដែរ។
ភ្លៀងធ្លាក់ខ្លាំងជាបន្តបន្ទាប់បានធ្វើឱ្យកម្រិតទឹកនៃទន្លេ Dung Giang កើនឡើងដល់ 114.6 ម៉ែត្រចាប់តាំងពីចុងសប្តាហ៍មុន។ ដូច្នេះហើយ អាជ្ញាធរបានស្នើឲ្យប្រជាពលរដ្ឋនៅក្នុងទីក្រុងចាស់ និងតំបន់មួយចំនួនទៀតនៃស្រុក Dung Giang ជម្លៀសទៅកាន់ទីជម្រកខ្ពស់។
រដ្ឋាភិបាលស្រុក Dung Giang បានបង្កើនការព្រមានទឹកជំនន់ដល់កម្រិតខ្ពស់បំផុតនៅថ្ងៃទី 24 ខែមិថុនា ដោយព្រមានថាកម្ពស់ទឹកទន្លេអាចឡើងដល់កម្រិត 255 ម៉ែត្រ។ កាសែត China Daily បានផ្សាយថា ស្រុក Rongjiang ដែលមានប្រជាជនប្រហែល 300,000 នាក់ មិនបានឃើញកម្រិតទឹកជំនន់ខ្ពស់បែបនេះទេក្នុងរយៈពេល 30 ឆ្នាំចុងក្រោយនេះ៕

រូបថត​: NLDO